«Adčuvańnie, što heta bulinh, a nie pramaja linija». Staršynia Dziaržkamiteta sudovych ekśpiertyz emacyjna adreahavaŭ na pytańnie pra palityčnyja zvalnieńni
Dniami staršynia Dziaržaŭnaha kamiteta sudovych ekśpiertyz Alaksiej Vołkaŭ pravodziŭ pramuju telefonnuju liniju. U suviazi z tym, što «Našaj Nivie» paviedamlali pra zvalnieńni sa struktury (u pryvatnaści, pra toje, što z Bresckaj sudmiedekśpiertyzy amal adnačasova byli zvolnienyja 14 śpiecyjalistaŭ), my vyrašyli spraŭdzić infarmacyju pra kadravyja pieramieny i datelefanavalisia Alaksieju Alaksandraviču jak zvyčajnyja hramadzianie.
«Kamientavać plotki i fejki ja nie źbirajusia», — adrezaŭ Alaksiej Vołkaŭ, pačuŭšy pytańnie pra infarmacyju ab zvalnieńniach u Bresckaj sudmiedekśpiertyzie, jakuju my atrymali ad byłoha supracoŭnika.
Najaŭnaść vialikaj kolkaści aktualnych vakansij hienierał-major justycyi patłumačyŭ zvačajnaj ratacyjaj kadraŭ:
«Heta štatnaja situacyja z vakansijami, my pastajanna publikujem ich i na svaim sajcie, i ŭ ŚMI. Nijakich śpisaŭ na zvalnieńnie z KDB u nas niama».
Pry hetym aktualny niedachop kadraŭ «Našaj Nivie» raniej paćviardžali ŭ samoj Bresckaj sudmiedekśpiertyzie. A jašče adzin z byłych supracoŭnikaŭ, zvolnieny sa struktury amal adrazu paśla vybaraŭ-2020 razam ź niekalkimi kalehami, śćviardžaje, što ahulnaja kolkaść ludziej, jakich «paprasili» syści pa ŭsioj krainie paśla žniŭnia, blizkaja da sotni (u hety lik uvachodziać i ekśpierty, i łabaranty, i kiroŭcy).
«Kolki na siońniašni dzień usiaho svabodnych stavak u sudovaj miedycynie? Pra jaki niekamplekt sudovych miedykaŭ idzie havorka?» — spytali my ŭ Alaksieja Vołkava.
«U mianie takoje adčuvańnie, što heta bulinh zamiest telefonnaj linii. Usie pytańni — u adździeł kadraŭ», — adkazaŭ Alaksiej Vołkaŭ.
Čytajcie taksama:
«Śpisy spuskaje KDB». Čytačy z usioj krainy paviedamlajuć pra novyja «palityčnyja» zvalnieńni
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary