MARH praciahnuŭ rehulavańnie cen na sacyjalna značnyja tavary jašče na try miesiacy
Dakumient apublikavany na Nacyjanalnym pravavym internet-partale i nabyvaje moc z 1 studzienia. Im abmiažoŭvajecca hraničny maksimalny narmatyŭ rentabielnaści, jaki vykarystoŭvajecca dla vyznačeńnia sumy prybytku, jakaja padlahaje ŭklučeńniu ŭ adpusknyja ceny.
Jon nie pavinien pieravyšać uzroŭniu rentabielnaści za studzień-listapad 2021 hoda, abo 10%, kali faktyčny ŭzrovień rentabielnaści za nazvany pieryjad skłaŭ mienš za 10%.
Pastanovaj taksama zaćvierdžanyja maksimalnyja nadbaŭki imparciora, a taksama maksimalnyja aptovyja i handlovyja nadbaŭki z ulikam aptovaj nadbaŭki. Jany abmiežavanyja 15-30% u zaležnaści ad tavaru.
Pastanova nabyvaje moc 1 studzienia 2022 hoda i dziejničaje na praciahu 90 dzion.
Siarod tavaraŭ, na jakija buduć pa-raniejšamu strymlivać rost cen, zastalisia pšaničnaja muka, aŭsianka, piarłoŭka, mnohija vidy chleba, viermišel, łokšyna, jałavičyna i śvinina (akramia bieskaściovaha miasa), kury, kaŭbasy, ryba, alej, mnohija małočnyja pradukty, kurynyja jajki, jabłyki, repčataja cybula, buraki, morkva, bulba, cukar, kašy dla dziciačaha i dyjetyčnaha charčavańnia, kansiervy miasnyja dla dziciačaha i dyjetyčnaha charčavańnia.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary