Z raskošnym vidam na vadu. U stalicy pačynaje farmavacca novy mikrarajon, pieršy dom chutka budzie hatovy
Paŭdniovaja častka Minska praciahvaje maštabnuju transfarmacyju. Ciapier asnoŭny fokus budaŭnikoŭ skiravany na mikrarajon Łošyca-10. Asablivaściu novaha kvartała stanie jaho niepasrednaja blizkaść da Čyžoŭskaha vadaschovišča.
Heta ŭčastak siaredniaha pamieru, abmiežavany vulicami Maniuški — Turava — Łučyny — Smoliča. Adnym svaim bokam jon vychodzić prosta na Čyžoŭskaje vadaschovišča.
Jak raspaviadaje «Minskbud» u telehram-kanale, ciapier usie siły i čas rabočyja addajuć domu №4b pavodle hienpłana. Heta panelny dziesiacipaviarchovik na čatyry padjezdy i 159 kvater. Jana sabrana z kanstrukcyj MAPIDa — sieryja M 464‑U1 (biez erkieraŭ i inšych upryhožańniaŭ).
«Navabudoŭla zavieršana mantažom, vykanany dach, ustalavanyja akonnyja błoki. Na čarzie — azdableńnie i čystavyja śpiecraboty. U spryjalny pieryjad budaŭniki zavieršać pierapadklučeńnie sietak i vykanajuć dobraŭparadkavańnie», — adznačajuć u «Minskbudzie».
Nieŭzabavie ŭ rost pojduć jašče dva šmatpaviarchovika: №4A i №3 pavodle hienpłana.
Dom №3 budzie mieć raskošny vid na Čyžoŭskaje vadaschovišča.
Kamientary