МАРГ працягнуў рэгуляванне цэн на сацыяльна значныя тавары яшчэ на тры месяцы
Дакумент апублікаваны на Нацыянальным прававым інтэрнэт-партале і набывае моц з 1 студзеня. Ім абмяжоўваецца гранічны максімальны нарматыў рэнтабельнасці, які выкарыстоўваецца для вызначэння сумы прыбытку, якая падлягае ўключэнню ў адпускныя цэны.
Ён не павінен перавышаць узроўню рэнтабельнасці за студзень-лістапад 2021 года, або 10%, калі фактычны ўзровень рэнтабельнасці за названы перыяд склаў менш за 10%.
Пастановай таксама зацверджаныя максімальныя надбаўкі імпарцёра, а таксама максімальныя аптовыя і гандлёвыя надбаўкі з улікам аптовай надбаўкі. Яны абмежаваныя 15-30% у залежнасці ад тавару.
Пастанова набывае моц 1 студзеня 2022 года і дзейнічае на працягу 90 дзён.
Сярод тавараў, на якія будуць па-ранейшаму стрымліваць рост цэн, засталіся пшанічная мука, аўсянка, пярлоўка, многія віды хлеба, вермішэль, локшына, ялавічына і свініна (акрамя бескасцёвага мяса), куры, каўбасы, рыба, алей, многія малочныя прадукты, курыныя яйкі, яблыкі, рэпчатая цыбуля, буракі, морква, бульба, цукар, кашы для дзіцячага і дыетычнага харчавання, кансервы мясныя для дзіцячага і дыетычнага харчавання.
Малады работнік «Мінск-Арэны» павінен заплаціць 71 мільён даляраў4
Каментары