Chłopiec z Čebaksaraŭ spytaŭ, ci chacieli b biełarusy ŭvajści ŭ skład Rasii. Jaho masava pasyłali ŭśled za rasijskim karablom
Ź jaho impierskaj idejaj nie pahadziŭsia amal nichto. «*ujendum» — čaćviorty pa papularnaści adkaz.
Rasijanin ź nikam miroz.rus, padpisany jak Michaił Hłuchaŭ, u Threads źviarnuŭsia da biełarusaŭ z pytańniem: «Kali zaŭtra ŭ krainie budzie refierendum ab uvachodžańni ŭ skład Rasii, ci pahadzilisia b vy?» Adkaz pryjšoŭ chutka: jamu nakidali bolš za 1400 kamientaroŭ.
Niekalki słoŭ pra aŭtara: chłopcu 21 hod, jon z Čebaksaraŭ, ale žyvie ŭ Sankt-Pieciarburhu. I demanstruje standartnyja vatnyja pohlady — narakaje na razvał SSSR, nienavidzić ukraincaŭ. «Ja šmat što sprabavaŭ, i biznes, i palityku, ale nie dasiahnuŭ pakul žadanaha ŭsio roŭna», — piša jon.
Aŭtar pasta sprabavaŭ apraŭdacca, maŭlaŭ, «ja prosta spytaŭ», ale heta nie vyratavała jaho ad chvali abureńnia z boku biełarusaŭ.
«Strašny son luboha biełarusa»
Samy časty adkaz łakaničny i kateharyčny: «Nie» i «Nikoli».
Mnohija biełarusy razhortvali svaje dumki — chtości emacyjna, chtości bolš strymana:
«Nikoli hetaha nie budzie! Treba być apošnim ***, kab zadavać takija pytańni».
«U Jeŭropu — tak, u Rasiju — nie».
«Nie pravakujcie na hrubaść sa svaimi impierskimi zamaškami».
«Bolš za 90% biełarusaŭ (lubych palityčnych pohladaŭ) u hetym pytańni salidarnyja: NIE ADNAZNAČNA. My suvierennaja dziaržava. Asobnaja kraina».
«Ni ŭ jakim razie! Ja zhodnaja dałučycca choć da Afryki, ale nie da Rasii».
«Strašny son luboha biełarusa», — pišuć u kamientarach.
«Z čaho vy naohuł uziali, što Biełaruś ci jakaja-niebudź inšaja kraina choča ŭ vašu Rašku? Dzie vam heta pryśniłasia? My nikoli nie chacieli, nie chočam i nie zachočam tudy. Nie pryjazdžajcie nikoli ŭ Biełaruś. My ščyra nienavidzim takich, jak vy», — piša adna z udzielnic dyskusii, padkreślivajučy, što imkniecca vykazacca «maksimalna kulturna».
«Kab viarnucca ŭ časy bieź internetu, padarožžaŭ, apłat kartkami ŭ internecie, bieź infrastruktury dla elektramabilaŭ — nie, dziakuj».
«A navošta nam heta? My asobnaja dziaržava, sa svaim uradam, ekanomikaj, praviłami. Dziela čaho nam heta ŭsio kidać?»
«Ja svoj nacyjanalny biełaruski ściah ni za što nie pramianiaju na rasijski».
«Sam vynas na abmierkavańnie pytańnia ab źniščeńni dziaržaŭnaha suvierenitetu Biełarusi — užo złačynstva i pavinna karacca jak za zdradu dziaržavie», — śćviardžaje inšy karystalnik.
Praŭda, niechta iranična zaŭvažyŭ, što «suvierenitet Biełarusi ŭžo karaciejšy za pavadok špica Łukašenki».
«Idzicie śledam za rasijskim karablom»
Bolšaja častka kamientaroŭ była značna mienš strymanaj. Karystalniki masava pasyłali aŭtara pasta «śledam za rasijskim vajennym karablom», raili «iści nach**» i zadavalisia pytańniem, ci nie «prapuściŭ jon pryjom tabletak».
«Toje, što ŭ vas hipierfiks na impieryjaliźmie, i tak usie viedajuć. A svaje vilhotnyja mary pra dałučeńnie Biełarusi pakińcie pry sabie».
«Padčas sproby pravieści taki refierendum ruskija atrymajuć pi*** hetak ža, jak atrymali va Ukrainie, tolki ŭžo ad biełarusaŭ».
«Spačatku vam i takim jak vy nieabchodna navieści paradak u svaich hałovach, potym u toj dziaržavie, za jakuju vy tak… pieražyvajecie. I parada asabista vam. Kidajcie ŭžyvać rečy, jakija ŭžyvajecie zaraz. Vynik dla vas moža być vielmi kiepski».
Takija reakcyi źbirali dziasiatki i sotni łajkaŭ.
«Možna Biełarusi dałučycca da Maldyvaŭ?»
Nie abyšłosia bieź ironii. Mienavita sarkastyčnyja kamientary časta stanavilisia samymi papularnymi. Častka kamientataraŭ žartam prapanoŭvała «zvarotny refierendum» — užo nie pra Biełaruś u składzie Rasii, a pra Rasiju ŭ składzie Biełarusi:
«Lepš niachaj Rasija stanie častkaj Biełarusi».
«Viarnicie spačatku Smalensk u rodnuju havań».
«Prapanuju refierendum ab uvachodžańni RF u skład Mahiloŭskaj vobłaści», — napisaŭ adzin z karystalnikaŭ. Inšyja praciahvali:
«Budzie Maskoŭskaja vobłaść z rajcentrami: Sankt-Pieciarburžski rajon, Rastoŭski i hetak dalej».
U adkaz na heta inšyja adznačali, što biełarusam nie patrebny taki hałaŭny bol:
«A navošta nam jašče 46 biednych rasijskich abłaściej?»
«Biełarusam takoje ščaście na fih patrebna?»
«Ja jak biełarus suprać dałučeńnia Rasii ŭ skład Biełarusi. Nie paciahniem. A voś adpravić tudy «krepkaha chaziajstvieńnika» — heta možna razhledzieć».
Biełarusy iranična prapanoŭvali alternatyvy — Polšču, Litvu i navat Maldyvy:
«Možna Biełarusi dałučycca da Maldyvaŭ? Budziem jeździć na vychodnyja i pić bulbiany smuzi z marakujaj».
«A čamu ŭ Rasiju? Čamu nie ŭ Polšču? Reč Paspalitaja ž była kaliści».
«Biełaruś lepiej u Polšču ŭvojdzie, čym u dziaržavu, jakaja biaskonca prajhraje va ŭsich vojnach i jakuju pastajanna abdurvajuć. RF ź jaje vojnami ŭvieś čas u razruchu i haleču ciahnie».
Siabravać — tak, abjadnoŭvacca — nie
Niahledziačy na rezkaść mnohich adkazaŭ, u dyskusii byli i bolš spakojnyja kamientary.
«U hetym siła biełarusaŭ, pry ŭsich umovach my zachoŭvajem niezaležnaść, siabrujem, pavažajem susiedziaŭ. Pytańnie pra taki refierendum nie paŭstanie, bo niama patreby».
«Lepš siabravać, ale asobna», — pišuć biełarusy.
Strach pierad vajnoj
Častka kamientataraŭ adkryta kažuć pra toje, što nie chočuć u Rasiju kab nie stać harmatnym miasam.
«Navošta vam jašče adna terytoryja? Spačatku ŭ siabie raźbiaryciesia. Za vašyja idei i ideały nie chočacca svajo žyćcio i žyćcio svaich dziaciej łamać».
«Potym jašče na vajnu adpraviać».
«Zaŭtra refierendum, a paślazaŭtra dzie buduć usie mužyki Biełarusi? Nie, dziakuj».
«My nie budziem chavać svaich dziaciej u imia… čaho? Kaho? Maskoŭskich aliharchaŭ? Za apošnija 30 hadoŭ u RF adbylisia dźvie čačenskija vajny, vajna z Hruzijaj, terakty pa ŭsioj Rasii. My ni ad kaho ničoha nie chočam — i vy nas nie čapajcie».
Razam z tym, niekatoryja karystalniki adznačali, što navat kali b taki refierendum i adbyŭsia, jaho vyniki nie buduć adlustroŭvać realnuju volu ludziej. Pavodle hetych kamientaroŭ, bolšaść biełarusaŭ była b suprać, ale «namalujuć toje rašeńnie, jakoje patrebna ŭładam».
«Biełaruś», a nie «Biełoruśsija»
Asobnaj temaj stała nazva krainy. Aŭtar pytańnia ŭ svaich adkazach vykarystaŭ słova «Biełoruśsija», i heta vyklikała šmat zaŭvah.
«Spačatku navučyciesia pravilna pisać nazvu krainy, jakuju chočacie dałučyć», — aburajucca biełarusy.
Adzinkavyja hałasy «za»
Kamientary na padtrymku abjadnańnia taksama źjaŭlalisia, maŭlaŭ, «razam my macniej», ale jany adzinkavyja i chutka hublalisia ŭ patoku niehatyŭnych i krytyčnych replik, kštałtu «nie słuchajcie, heta boty», «ruskim słova nie davali».
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
"Biełarusy, kto za to, čtoby rosii otklučili połnosťju intierniet? čtoby oni nie pisali podobnuju chierniu".
Kamient kazacha: "Karoċ ja chz kak eta vietka popała v Kazachstan… no ja poniał čto i tam nie rady raškie ??? 🤔😂🤣"