Hałoŭčanka: U Biełarusi niama deficytu harodniny. Čamu tady dziaržava rehuluje ceny?
Na ŭnutranym rynku Biełarusi dosyć harodniny, ceny rehulujucca, pra heta zajaviŭ siońnia premjer Biełarusi Raman Hałoŭčanka.
«U nas nikoli nie było deficytu ŭ vytvorčaści harodniny. Pa niekatorych pazicyjach vyroščvajem u dziasiatki razoŭ bolš, čym treba ŭnutranamu rynku, naprykład bulby — u 13 razoŭ. U nas jość stabilizacyjnyja fondy.
Kiraŭnik krainy letaś daručyŭ abłvykankamam, jakija źjaŭlajucca trymalnikami stabfondaŭ, zakłaści pradukcyju pad stoadsotkavuju patrebu ŭnutranaha rynku. Heta było zroblena. Astatniaje budzie vyvozicca na ekspart», — skazaŭ siońnia premjer-ministr Biełarusi Raman Hałoŭčanka paśla naviedvańnia UP «Partyzanskaje», jakoje zabiaśpiečvaje zachoŭvańnie stabilizacyjnych fondaŭ pradukcyi raślinavodstva, piša BiełTA.
Hałoŭčanka taksama patłumačyŭ, čamu ŭ takim vypadku rehulujucca košty na harodninu, pieradaje «Sputnik». Pa jaho słovach, u vytvorcaŭ «jość spakusa pradavać harodninu daražej za miažu, a biełarusy nie pavinny adčuvać cenavy cisk».
Kamientary