Dzik u Niamieččynie vyrašyŭ adpačyć na kanapie, papiarednie zładziŭšy ŭ čužym domie formiennaje śvinstva
Dzik zładziŭ «vialikaje śvinstva» doma ŭ žycharki niamieckaha Chahiena. Vydvaryć niaprošanaha hościa dapamahli palicejskija.
Takoha hościa 39-hadovaja žycharka niamieckaha horada Chahien nijak nie čakała.
Uvajšoŭšy ŭ svoj dom viečaram 4 lutaha, jana asłupianieła: pa pakojach nasiŭsia dzik, jak paźniej vyśvietliłasia, vahoj kala 60 kh.
Žyvioła zładziła formienny pahrom, a zatym, adčuŭšy zadavalnieńnie ad zroblenaha i mocna stamiŭšysia, prylahła adpačyć na kanapu, całkam zapeckaŭšy jaje. Na hetym miescy jaho i sfatahrafavali palicyjanty, što pryjechali na vyklik, piša Deutsche Welle.
Dziki mohuć być ahresiŭnyja, tym bolš u niazvykłaj abstanoŭcy. Paraiŭšysia z palaŭničym, palicejskija aściarožna zajšli, pakinuŭšy ŭvachodnyja dźviery adčynienymi, a dzik, paśpieŭšy papaziravać dla fotasiesii i pračnucca, saskočyŭ na padłohu i praz adčynienyja dźviery chutka pabieh na volu. U dom jon prakraŭsia, chutčej za ŭsio, praź niaščylna začynienyja dźviery terasy.
-
U Hłybockim rajonie zaŭvažyli abłoki, padobnyja da vymieni. Što za jany?
-
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj
-
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła
Kamientary