Tysiačy ludziej u centry Minska pratestavali suprać vajny. Kala Minabarony skandavali «Nie vajnie!», a taksama «Słava Ukrainie!»
Usie centralnyja vulicy stalicy byli zapoŭnienyja aŭtamabilami, jakija sihnalili. U niekatorych aŭtamabilach ludzi ŭklučali himn Ukrainy.
Usie centralnyja vulicy stalicy byli zapoŭnienyja aŭtamabilami, jakija sihnalili. U niekatorych aŭtamabilach ludzi ŭklučali himn Ukrainy. Jak heta vyhladała, možna bačyć na videa.
Razhaniali ludziej siłaviki jak u čornaj, tak i ŭ aliŭkavaj formie biez znakaŭ adroźnieńnia. Jany atačali ludziej i chapali kaho mahli. Zatrymlivali pierš za ŭsio maładych mužčyn, ludziej starejšaha vieku nie čapali. Da 17.20 siłaviki vycieśnili minčukoŭ ad Hienštaba.
Kala Hienštaba pry hetym dziažuryli bronieaŭtamabili.
Ludzi źbiralisia i skandavali «Nie vajnie!» taksama na Niamizie, praśpiektach Niezaležnaści, Pieramožcaŭ i Mašerava, vulicach Bahdanoviča i Kujbyšava, u parku miž Hienštabam i Śvisłačču, na Asmołaŭcy.
Ludzi praciahvajuć nieści kvietki da ŭkrainskaha pasolstva, usia aharodža ŭviešanaja kvietkami. Kali pasolstva dziažurać siłaviki, staić amapaŭski aŭtobus.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary