Nijakaha kansensusu z Rasijaj pa čatyroch zhadanych Erdahanam punktach niama — ministr zamiežnych spraŭ Ukrainy
Ministr zamiežnych spraŭ Dźmitryj Kuleba zajaviŭ, što pa stanie na 25 sakavika nijakaha kansiensusu z Rasijaj nakont zhadanych prezidentam Turcyi čatyroch punktaŭ pieramovaŭ niama, pieradaje «Ukrainskaja praŭda».
«Niama kansensusu z Rasijaj adnosna zhadanych prezidentam Turcyi čatyroch punktaŭ. U pryvatnaści, adzinaj dziaržaŭnaj movaj va Ukrainie jość i budzie ŭkrainskaja. Dy i ŭvohule kłasifikacyja klučavych tem pieramovaŭ na čatyry ci inšuju kolkaść punktaŭ niekarektnaja».
Jon patłumačyŭ, što ŭ padhrupach delehacyj adnačasova abmiarkoŭvajecca šmat roznych pytańniaŭ. Pierahavorny praces idzie vielmi ciažka.
Pa słovach Kuleby, ukrainskaja delehacyja zaniała mocnuju pazicyju i ad svaich patrabavańniaŭ nie admaŭlajecca.
Ministr padkreśliŭ, što Ukraina nastojvaje najpierš na spynieńni ahniu, harantyjach biaśpieki i terytaryjalnaj cełasnaści Ukrainy.
Ministr adznačyŭ, što Ukraina budzie praciahvać dyjałoh z Turcyjaj i ŭsimi zacikaŭlenymi bakami, kab adnavić mir na ŭkrainskaj ziamli.
Spadziajemsia, što Turcyja jak siabar i stratehičny partnior Ukrainy budzie taksama praciahvać padtrymku na ŭsich trekach. Taksama nahadvaju, što ŭviadzieńnie novych sankcyj suprać Rasii i ŭmacavańnie abaranazdolnaści Ukrainy zjaŭlajucca nie mienš važnymi faktarami, kab spynić rasijskuju vajennuju mašynu i dasiahnuć žadanaha prahresu na pieramovach. Takaja trochbakovaja stratehija — sankcyi, vajennaja padtrymka, pieramovy — nie pavinny nikim padviarhacca sumnievu», — skazaŭ Kuleba.
Raniej prezident Turcyi Redžep Erdahan zajaviŭ, što Ukraina hatova pahadzicca na čatyry patrabavańni rasiejcaŭ z šaści, u pryvatnaści, admovicca ad siabroŭstva ŭ NATA i pryznać ruskuju movu jak druhuju dziaržaŭnuju.
Nie damovilisia baki, pa słovach Erdahana, ab pryznańni Ukrainaj prynaležnaści Kryma rasijskim i niezaležnaści samaabvieščanych DNR i ŁNR.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary