U Rasii ŭnieśli zakonaprajekt ab pryznańni suajčyńnikami ŭsich, chto vałodaje ruskaj movaj. Biełarusaŭ tudy adniasuć taksama
Pieršy namieśnik staršyni kamiteta Dziarždumy pa spravach SND, jeŭrazijskaj intehracyi i suviaziach z suajčyńnikami Kanstancin Zatulin («Adzinaja Rasija») unios u pałatu zakonaprajekt, jaki prapanuje pryznavać suajčyńnikami ŭsich, chto vałodaje ruskaj movaj, paviedamlaje TASS.
Jak adznačajecca ŭ tłumačalnych dakumientach, «zakonaprajekt likviduje niedachopy nieapraŭdana šyrokaha tłumačeńnia klučavoha paniaćcia «suajčyńnik». U pryvatnaści, prapanujecca pryznavać suajčyńnikami asob, jakija «vałodajuć ruskaj movaj <…> i adnosiacca da narodaŭ, jakija histaryčna pražyvajuć na terytoryi Rasii», a taksama tych asob, «čyje pramyja prodki naradzilisia ci pražyvali na terytoryi Rasijskaj Fiederacyi».
«Pry hetym uličvajecca, što za minułyja paśla raspadu SSSR 30 hadoŭ vyrasła novaje pakaleńnie suajčyńnikaŭ, jakija nie mieli hramadzianstva SSSR. U suviazi z hetym z vyznačeńnia paniaćcia «suajčyńnik» vyklučana suviaź z hramadzianstvam SSSR», ‒ adznačajecca ŭ supravadžalnych materyjałach.
Zakonaprajektam taksama prapanujecca ŭdakładnić pieralik narodaŭ, jakija histaryčna pražyvajuć na terytoryi Rasii.
U pryvatnaści, u pieralik uklučany pradstaŭniki biełaruskaha i ŭkrainskaha narodaŭ, pradstaŭniki karennych małalikich narodaŭ.
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary