Kačyński: Kali Orban nie bačyć, što adbyłosia ŭ Bučy, jamu treba da aftalmołaha
Jarasłaŭ Kačyński zajaviŭ, što Polšča nie zmoža supracoŭničać ź Vienhryjaj, pakul premjer Orban nie pamianiaje svajo staŭleńnie da vajny va Ukrainie.
«Kali Orban kaža, što nie bačyć taho, što adbyłosia ŭ Bučy, jamu treba źviarnucca da aftalmołaha», — zajaviŭ polski vice-premjer pa pytańniach biaśpieki Jarasłaŭ Kačyński.
Jon adznačyŭ, što Polšča nie zmoža supracoŭničać ź Vienhryjaj, pakul premjer Orban nie pamianiaje svajo staŭleńnie da vajny va Ukrainie.
Raniej Uładzimir Zialenski skazaŭ, što adzin z kiraŭnikoŭ krain ES zapatrabavaŭ dokazaŭ, što zabojstvy mirnych žycharoŭ u Bučy nie byli inscenavanyja. Pa źviestkach žurnalistaŭ, havorka idzie jakraz pra premjer-ministra Vienhryi Viktara Orbana.
Paźniej pradstaŭnik premjera Vienhryi Biertałan Chavašy zajaviŭ, što Viktar Orban asudžaje raźniu ŭ Bučy.
Sa słoŭ Chavašy, Vienhryja całkam padtrymlivaje mižnarodnaje rasśledavańnie «ŭsich źvierstvaŭ», a Orban miarkuje, što «heta vajna, jakuju pačali rasijanie».
Viadoma, što sotni mirnych žycharoŭ horada zahinuli ad kul, kali Buča znachodziłasia pad kantrolem akupantaŭ. Mer horada skazaŭ pra minimum 320 achviaraŭ akupacyi. Paśla vyzvaleńnia nasielenaha punkta ŭvieś śviet pabačyŭ na vulicach i ŭ abstralanych damach dziasiatki ciełaŭ zahinułych, u niekatorych byli źviazanyja za śpinaj ruki.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»3
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary