Va ŭzroście 45 hadoŭ pamior žurnalist i hukarežysior ź Biełastoččyny Łukaš Ściepaniuk. Pra heta napisaŭ u siabie ŭ Fejsbuku jaho kaleha Jarasłaŭ Ivaniuk.
Byŭ… Chacia hetaje słova ažno ciažka pišacca…
Jak: «byŭ»…?
Łukaš Stepaniuk «Step» pierš za ŭsio byŭ dobrym, ścipłym čałaviekam… Byŭ prafiesijanałam u svajoj pracy jak hukarežysior i jak žurnalist…
Zaŭsiody staraŭsia dapamahčy ŭ kožnaj spravie. Pamiataju jak niekalki hadoŭ tamu zapisvali aŭdyjaknihu z uspaminami Łarysy Hienijuš «Ptuški biez hniozdaŭ». Step (chacia ja zaŭsiody źviartaŭsia da jaho: Łukaš) dzieła hetaha addaŭ svaju chatniuju studyju, a jak akazałasia, što na apłatu pracy nie chapaje hrošaj skazaŭ: «Jarek, jakija hrošy? Ty pra što? Zrobim. Zrobim usio jak treba». Takoje, zrešty, ad jaho čuŭ ja nie adzin raz: «Dla biełaruskaści zrablu šmat i biez hrošaj». Pryčym nikoli tym nie chvastaŭsia, nie chvaliŭsia.
Apošnim časam zajmaŭsia hukaapracoukaj aŭdyjaknih. Padrychtavaŭ «Siadzibu» Alesia Arkuša, pracavaŭ nad «Žetonam na mietro» Andreja Fiedarenki i «Ajčynaj» Uładzimira Arłova, jakuju rychtavaŭ u viersii jak aŭdyja tak i videa.
Byŭ siabram Upravy Fondu Kamunikat.org
Łukaš, nie čas adychodzić…
Dziakuj Tabie za usio… My ŭsie budziem vielmi sumavać pa Tabie…
Byvaj, Druža…
Viečnaja Pamiać…Ščyryja spačuvańni blizkim i rodnym…» — napisaŭ Jarasłaŭ Ivaniuk.
***
Łukaš Ściepaniuk byŭ źviazany z «Biełaruskim Radyjo Racyja» z samaha pačatku jaho isnavańnia. Byŭ aŭtaram muzyčnych pieradač na chvalach radyjo — «Suśvietny chit», «Ščaślivaja trynaccatka». Viadomy našym słuchačam, jak Dj Zona.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary