Pinievič pra pavyšeńnie zarobkaŭ miedykam: Ale hety padarunak Łukašenki treba adpracavać
Miedykaŭ čakajuć čarhovyja źmieny ŭ apłacie pracy. Ministr achovy zdaroŭja Dźmitryj Pinievič abiacaje, što ŭ vyniku ich zarpłaty vyrastuć. Pra heta jon paviedamiŭ paśla siońniašniaj narady ŭ Łukašenki.
«Išła razmova. Ja anansuju. Buduć źmieny ŭ sistemie apłaty pracy», — skazaŭ Pinievič.
Pa jaho słovach, chutka vydaduć dakumient, u jakim buduć farmalizavanyja daručeńni Łukašenki nakont zarobkaŭ miedykaŭ. Pinievič śćviardžaje, što pavieličeńnie zarobkaŭ zakranie ŭsich miedykaŭ krainy, ale ŭ tych, chto pracuje «na bolš važnych, składanych učastkach», pavyšeńnie budzie bolš.
Ministr nazvaŭ pavyšeńnie zarobkaŭ padarunkam Łukašenki, jaki treba adpracavać.
«U lubym vypadku, napiaredadni prafiesijnaha śviata taki ad kiraŭnika dziaržavy čarhovy dla nas padarunak, jaki my pavinny ŭ tym liku adpracavać na svaich pracoŭnych miescach. Jakaść, dastupnaść akazańnia miedycynskaj dapamohi dla nas źjaŭlajucca pryjarytetam», — skazaŭ jon.
Reform.by nahadvaje, što z uviadzieńniem kavidnych dapłat siarednija zarobki ŭ biełaruskaj miedycynie vyraśli. Adnak u apošnija miesiacy na fonie źnižeńnia zachvorvalnaści, pavodle źviestak statystyki, zarobki ŭ achovie zdaroŭja źnižajucca. Tak, kali ŭ lutym siaredniaja zarpłata ŭ miedykaŭ składała 1409 rubloŭ, u tym liku ŭ daktaroŭ 2323,5 rubla, a ŭ siaredniaha miedycynskaha piersanału — 1457 rubloŭ, to ŭ krasaviku siaredniaja zarpłata ŭ daktaroŭ užo była 2129,4 rubla, u siaredniaha miedpiersanału — 1296,3 rubla, a ŭ cełym pa halinie — 1308,7 rubla.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary