Піневіч пра павышэнне заробкаў медыкам: Але гэты падарунак Лукашэнкі трэба адпрацаваць
Медыкаў чакаюць чарговыя змены ў аплаце працы. Міністр аховы здароўя Дзмітрый Піневіч абяцае, што ў выніку іх зарплаты вырастуць. Пра гэта ён паведаміў пасля сённяшняй нарады ў Лукашэнкі.
«Ішла размова. Я анансую. Будуць змены ў сістэме аплаты працы», — сказаў Піневіч.
Па яго словах, хутка выдадуць дакумент, у якім будуць фармалізаваныя даручэнні Лукашэнкі наконт заробкаў медыкаў. Піневіч сцвярджае, што павелічэнне заробкаў закране ўсіх медыкаў краіны, але ў тых, хто працуе «на больш важных, складаных участках», павышэнне будзе больш.
Міністр назваў павышэнне заробкаў падарункам Лукашэнкі, які трэба адпрацаваць.
«У любым выпадку, напярэдадні прафесійнага свята такі ад кіраўніка дзяржавы чарговы для нас падарунак, які мы павінны ў тым ліку адпрацаваць на сваіх працоўных месцах. Якасць, даступнасць аказання медыцынскай дапамогі для нас з'яўляюцца прыярытэтам», — сказаў ён.
Reform.by нагадвае, што з увядзеннем кавідных даплат сярэднія заробкі ў беларускай медыцыне выраслі. Аднак у апошнія месяцы на фоне зніжэння захворвальнасці, паводле звестак статыстыкі, заробкі ў ахове здароўя зніжаюцца. Так, калі ў лютым сярэдняя зарплата ў медыкаў складала 1409 рублёў, у тым ліку ў дактароў 2323,5 рубля, а ў сярэдняга медыцынскага персаналу — 1457 рублёў, то ў красавіку сярэдняя зарплата ў дактароў ужо была 2129,4 рубля, у сярэдняга медперсаналу — 1296,3 рубля, а ў цэлым па галіне — 1308,7 рубля.
-
Былы палітвязень Віктар Лосік распавёў пра сваё вызваленне і пераезд з сям'ёй у Польшчу
-
«Мы перамаглі». Хлопчыку з Магілёва ўвялі самы дарагі прэпарат ад смяротнага захворвання
-
Што за Італа-албанская каталіцкая царква, да якой належыць новы нунцый? І як гэта можа паспрыяць аднаўленню ўніяцтва ў Беларусі
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу12
Каментары