Jeŭrasajuz moža źniać sankcyi ź niekatorych rasijan, bo sumniajecca ŭ jurydyčnych padstavach
Jeŭrasajuz abmiarkoŭvaje skasavańnie sankcyj u dačynieńni da niekatorych rasijan, bo jany nibyta mahli być nakładzienyja na słabych jurydyčnych padstavach. Pra heta paviedamlaje Bloomberg sa spasyłkaj na daśviedčanych surazmoŭcaŭ.
Ciapier kala 30 čałaviek źviarnulisia ŭ sud ES z prośbaj vyklučyć ich z sankcyjnych śpisaŭ, a jašče kala 10 źviarnulisia z takim zapytam niepasredna da Jeŭrasajuza.
Jurydyčnaja słužba ES paviedamiła ambasadaram Jeŭrasajuza, što niekatoryja z hetych zapytaŭ byli apraŭdanymi. Na ich dumku, infarmacyja, paśla padadzienaja padsankcyjnymi asobami, pakazała, što dokazy, na jakich hruntujucca sankcyi, mahli być słabymi, sastarełymi abo niapravilnymi.
Surazmoŭcy ahienctva nie ŭdakładnili kolkaść pamyłak, jakija znajšli jurysty ES, i proźviščy ludziej, jakich jany datyčyli. Viadoma, što siarod tych, chto asprečvaje nakładzienyja na ich sankcyi ES — rasijskija aliharchi Raman Abramovič, Viktar Rašnikaŭ, Michaił Frydman, Piotr Avien, Andrej Mielničenka i Dźmitryj Maziepin.
Adnym ź pieršych, jašče ŭ kancy krasavika, pazoŭ u Jeŭrapiejski sud padaŭ aliharch Ališer Usmanaŭ, sankcyi suprać jakoha ŭviali amal adrazu paśla poŭnamaštabnaha ŭvarvańnia Rasii va Ukrainu. Taksama sankcyi asprečvaje stalovy mahnat Alaksiej Mardašoŭ.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary