Łukašenka na adkryćci «Słavianskaha bazaru» prykmietna kulhaŭ. A ŭdzielnicu ad Ukrainy znajšli tolki adnu
Adzinaj artystkaj, jakaja pahadziłasia stvarać efiekt ukrainskaj prysutnaści na kancercie-adkryćci fiestyvalu, stała Taisija Pavalij. Blizkaja da eks-prezidenta Viktara Janukoviča, jana daŭno žyvie i śpiavaje ŭ Rasii.
Admietna, što ŭ dzień žudasnaj ataki na Vińnicu narodnaja artystka Ukrainy śpiavała viasiołuju pieśniu sa sceny.
Ukrainskija artysty admaŭlajucca vystupać u Rasii i Biełarusi paśla napadu na Ukrainu.
Adkryvajučy fiestyval, Łukašenka vystupiŭ i z palityčnymi zajavami. Jon adznačyŭ, što ŭ 1990-ja hady, kali stvaraŭsia «Słavianski bazar», nielha było i padumać, što adziny słavianski śviet, mahutny svajoj tysiačahadovaj historyjaj, budzie pastaŭleny va ŭmovy palityčnaha i kulturnaha vyžyvańnia.
«My navat nie mahli ŭjavić, što z palityčnaj karty źniknie družalubnaja nam Juhasłavija, postsavieckaja prastora pahruzicca ŭ šerah uzbrojenych kanfliktaŭ, a błok NATA, vajenny błok, pašyrycca na ŭschod, raskidaŭšy słavian pa roznyja baki barykad», — zaŭvažyŭ Łukašenka.
Vykazaŭsia jon i nakont situacyi va Ukrainie, zajaviŭšy, što jaje stracili niekalki hadoŭ tamu, a palityki «sami admovilisia ad słavianskaj identyčnaści». «Ale čaho b nam heta ni kaštavała, na adkryćci «Słavianskaha bazaru» hučała ŭkrainskaja mova. I budzie hučać, u tym liku siońnia», — skazaŭ jon.
Pry hetym učora praciahvalisia kryvavyja ataki na Ukrainu. Rakiety i snarady padali na Mikałajeŭ, Charkaŭ, Słaviansk, Sieviersk, Danieck dy inšyja ŭkrainskija harady. Asabliva žudasnyja nastupstvy mieła ataka na centr Vińnicy, dzie ŭ ofisnym budynku, u miedycynskim centry i na aŭtaparkoŭcy vakoł ich zahinuli 23 čałavieki, jašče 39 ličacca źnikłymi bieź viestak, a bolš za 100 paranienyja. Siarod zabitych — troje dziaciej.
Łukašenka ŭ Viciebsku, kudy pryjechaŭ na adkryćcio «Słavianskaha bazaru», prykmietna kulhaŭ. Heta bačna na videa, apublikavanym jaho pres-słužbaj.
Adkryćcio fiestyvalu adbyłosia ŭčora, Łukašenka tradycyjna biare ŭ im udzieł.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary
"chromaja utka",
"śbityj letčik"
ili
" ispolzovannyj,skažiem tak-matieriał".