Zialenskaja: Naš 9-hadovy syn lubiŭ muzyku, a ciapier choča navučycca stralać
Vajna źmianiła mary 9-hadovaha syna Zialenskich. Raniej jon hraŭ na pijanina. A ciapier u jaho novaja niedziciačaja mara — navučycca stralać ź vintoŭki.
Žonka ŭkrainskaha prezidenta, pieršaja łedzi Ukrainy Alena Zialenskaja zajaviła, što vajna paŭpłyvała na jaje siamju. Ciapier jaje dzieviacihadovy syn Kiryła choča stać vajskoŭcam i navučycca stralać ź vintoŭki. I heta zdaryłasia mienavita z-za vajny, raźviazanaj Rasijaj.
Pra heta Zialenskaja zajaviła ŭ intervju NBC News. Jana adznačyła, što vajna mocna adbiłasia na jaje siamji, i Kiryła zusim straciŭ cikavaść da svaich byłych zachapleńniaŭ.
Zialenskaja narakała, što nie moža prymusić syna viarnucca da «mastactva i humanitarnych navuk».
«Da vajny moj syn chadziŭ u ansambl narodnaha tanca. Hraŭ na pijanina. Vyvučyŭ anhlijskuju movu. Viadoma, naviedvaŭ spartyŭny hurtok», — raspaviała Zialenskaja.
Ciapier, pa jaje słovach, «usio, što jon choča — heta zajmacca bajavymi mastactvami i navučycca karystacca vintoŭkaj».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary