Novaziełandski marski kocik zalez u dom, haniaŭsia za koškaj i palažaŭ na kanapie
Siamja novaziełandskaha marskoha bijołaha znajšła ŭ siabie doma niezvyčajnaha hościa — maładoha marskoha kocika. Žyvioła zabrałasia ŭ budynak praź dźviercy dla kata i praviała ŭnutry bolš za dźvie hadziny.
U Novaj Ziełandyi viarnuli ŭ vadu cikaŭnaha marskoha kocika, jaki pierad hetym ulez u dom da miascovaha žychara. Žyvioła haniałasia za koškaj, jakaja naležyć haspadaru doma, pakul naviersie spali dzieci. Niečakany hość tolki cudam ničoha nie paškodziŭ, piša Guardian.
Zdareńnie mieła miesca ranicaj u sieradu ŭ rajonie Maŭnt-Maŭnhani, što znachodzicca la horada Taŭranha, za 150 mietraŭ ad akijana. Marski kocik trapiŭ u dom Fiła Rosa, marskoha bijołaha, ale toj nie byŭ doma i nie zastaŭ žyviołu, pra što ciapier škaduje, bo pry sustrečy z kocikam jaho viedy byli b duža karysnyja.
Žyviołu zaŭvažyła žonka Fiła, Džen, kali źbirałasia na treniroŭku. Jana pačuła huki, padobnyja da łaju i šarkańnia, ale vyrašyła, što jany sychodziać ad niejkaha sabaki. Praz hadzinu Džen viarnułasia z treniroŭki i ŭbačyła doma maleńkaha marskoha kocika, jaki adrazu ž pierapužaŭsia i adpoŭz ad žančyny ŭ volny pakoj.
Chutčej za ŭsio, žyvioła prabrałasia ŭ dom praź dźviercy dla katoŭ, a potym jašče i sustreła ŭnutry košku siamji Ros — Kako. Haspadary ličać, što kocik trapiŭ u dom mienavita ŭ sprobie dahnać Kako.
Džen razbudziła dziaciej, kab jany paznajomilisia z novym hadavancam, a potym pačała sprabavać jaho złavić. Joj spatrebiłasia prykładna hadzina, kab vymanić kocika ŭ sad, i ŭžo adtul śpiecyjalisty advieźli jaho nazad u mora. Uvieś hety čas žyvioła praviała ŭ asobnym pakoi, dzie paśpieła prateściravać kanapu haspadaroŭ.
Siamja Rosaŭ nazvała marskoha kocika Oskaram. Pa ich słovach, žyvioła akazałasia vietlivym hościem i navat nidzie ŭ domie nie spraviła patrebu. Adziny, chto byŭ niezadavoleny znajomstvam z Oskaram — heta koška Kako: jana tak pierapužałasia, što niejki čas bajałasia iści na pieršy pavierch doma.
Sabaka štonočy prychodziŭ da niemaŭlaci dla taho kab upeŭnicca, što ź im usio dobra. Hetaje VIDEA stała virusnym
Miłata tydnia: Biełarusy vyratavali vavierčania, jakoje vypała z dupła i jakoje ledź nie zadziaŭbli varony FOTA
U Biełym domie źjaviłasia koška — jana «viadzie» tvitar pra svaje pryhody FOTA
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary
mnie zaraz asabliva śmiešna ad vašaj "racyi"
ach, vy ž taki krasivy (u svaim lusterku) i u vas ža tut łajki )