«Pakul kamisija nie daść zaklučeńnia, my ničoha…» Knihi Śviatłany Aleksijevič praviarajuć na ekstremizm
Čytačka z Drybinskaha rajona paviedamiła ŭ redakcyju vydańnia «Zierkało», što ź biblijateki ŭ jaje ahraharadku čamuści zabirajuć knihi Śviatłany Aleksijevič. Žurnalisty pasprabavali razabracca ŭ situacyi — i daviedalisia pra niečakanyja detali.
Nie dabiŭšysia kankretyki ŭ samoj biblijatecy i ŭ Drybinskim rajvykankamie, žurnalisty «Zierkała» dajšli da Ministerstva kultury. I tam va ŭpraŭleńni kultury i narodnaj tvorčaści ich «supakoili», što nijakaha zahadu zabirać knihi nobieleŭskaj łaŭreatki ź biblijatek ź ich boku nibyta nie było.
Ale nie było tolki tamu, što knihi Aleksijevič pakul što tolki znachodziacca na… «respublikanskaj kamisii pa ekstremiźmie». I ŭ ministerstvie čakajuć jaje vierdyktu. «Pakul kamisija nie daść zaklučeńnia, my ničoha … ad Ministerstva kultury nijakaha zahadu nie było pa Aleksijevič, kab zabirać z fondaŭ».
Na pytańnie, jak možna padazravać u ekstremiźmie knihi nobieleŭskaj łaŭreatki, było adkazana, što kamisija raźbiarecca. I ŭ jaje nibyta «byvajuć stanoŭčyja rašeńni, byvajuć admoŭnyja».
Termin, ciaham jakoha kamisija maje vydać svoj vierdykt, u Ministerstvie nie nazvali. Zatoje skazali, što «jość kniha, jakuju kanfiskavali, jakaja pryznanaja ekstremisckaj. Jość peŭnaja kniha, jakuju vydała «Radyjo Svaboda», jana supiarečyć dziaržaŭnamu ładu biełaruskamu». Choć heta niapraŭda, pakul što nijakuju knihu Aleksijevič «ekstremisckaj» nie pryznavali.
Kamisija, pra jakuju skazali ŭ Ministerstvie, składajecca z 20 čałaviek. Jaje ŭznačalvaje deputat Pałaty pradstaŭnikoŭ, a ŭ minułym ministr infarmacyi Lilija Ananič. Akramia jaje, siarod členaŭ kamisii — namieśnik ministra infarmacyi Ihar Buzoŭski, namieśnik načalnika Hałoŭnaha ŭpraŭleńnia KDB Ihar Žukaŭ, načalnik adnaho z adździełaŭ HUBAZiK Juryj Tkačuk, a taksama aficyjny pradstaŭnik Śledčaha kamiteta Siarhiej Kabakovič, namieśnik načalnika adździeła ideałohii Dziaržaŭnaha mytnaha kamiteta Kaciaryna Škurdziuk i inšyja.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary
Čalcy kamisii, vy razumiejecie, što vy źjaŭlajeciesia pamahatymi źniščeńnia krainy, jaje historyi. Vy, dziela kiravańnia adnaho nieadukavanaha chama, hatovyja na parušeńnie Kanstytucyi. U piekle vam być, praklon usich vašych rodzičaŭ. Prystasavancy dy bajaźliŭcy, imia vam lehijon.