Pamiatajecie vykładčycu BDU, jakaja apraŭdvałasia za adpačynak u Jeŭropie? Jana padzialiłasia ŭražańniami: Tam stamilisia ad niepryhožych amierykancaŭ
Zahadčyca kafiedry telebačańnia i radyjoviaščańnia žurfaka BDU Alesia Kuźminava paśla adpačynku ŭ Italii i Aŭstryi pisała: «Heta nie značyć, što ja nie patryjotka». Jana raskazała, jak jaje zackavali svaje ž. A taksama abmierkavała toje, što «dziakuj bohu, zabaroniena».
U ranišnim tok-šou na BT vykładčyca padzialiłasia:
«Spačatku patryjoty, paśla niepatryjoty nakinulisia. Ja nikoli nie była takoj papularnaj, i nikoli moj adpačynak nie chvalavaŭ stolki ludziej vakoł. Ja liču, vielmi dziŭna było b być patryjotam i nie viedać, jak žyvuć inšyja ludzi».
Krytykavać Jeŭropu ŭ efiry Kuźminava nie stała. Adznačyła tolki, što «stała mienš ustanoŭ, hid nie viedaŭ, dzie nas prymuć ci nie». Pa jaje słovach, tam vielmi zasumavali pa ruskich turystach.
«Turystyčnyja supracoŭniki, hidy nam vielmi paradavalisia. Na nas abaročvalisia inšyja hidy, tamu što čuli ruskuju movu, jany vielmi zasumavali pa nas.
Jany kažuć: «Boža, jak my stamilisia ad hetych amierykancaŭ, jany niepryhožyja, nieintelektualnyja».
A voś u aŭtobusie siarod biełarusaŭ, z sumam adznačyła Kuźminava, byli pasažyry roznych palityčnych pohladaŭ.
«Samaje hałoŭnaje — kab prafiesijanalizm zachoŭvała turfirma i jaje pradstaŭniki. Bo heta ŭsio ž naša turfirma, jana pazicyjanuje siabie jak biełaruski biznes, jany pavinny być patryjatyčnymi», — razvažała jana.
U efiry vykładčyca raskazała, što časta padarožničaje.
«Ja i ŭ Ałbaniju adna latała, i na Maldzivy».
Zahadčycaj kafiedry telebačańnia i radyjoviaščańnia žurfaka BDU Alesia Kuźminava stała ŭ 28 hod. Jana viadzie kursy ŭ studentaŭ, źviazanyja z vytvorčaściu šou, zabaŭlalnych prahram.
Na BT jana pachvaliłasia, što zaprašała na sustreču sa studentami prapahandysta Ihara Tura. Z Azaronkam pakul nie damaŭlałasia. «Spadziajomsia, jon pryjdzie i raskaža, jak rabić aŭtarskuju žurnalistyku», — adznačyła Kuźminava.
Cikava, što na tok-šou viadučyja niekalki razoŭ sprabavali pastavić vykładčycu ŭ niajomkaje stanovišča.
«A niaŭžo vašych studentaŭ niama ŭ tych vydańniach, jakija my nie možam nazyvać, tamu što jany ŭ nas užo, dziakuj bohu, zabaronieny?» — źjedliva pacikavilisia ŭ jaje.
«Eks-studenty tolki, — apraŭdvałasia vykładčyca. — Jany emacyjna apracavali našu moładź. Jany cisnuli na falšyvuju spraviadlivaść».
Čytajcie taksama:
«Heta nie značyć, što ja nie patryjot». Zahadčyca kafiedry žurfaka BDU apraŭdvajecca za adpačynak u Jeŭropie
-
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi
-
Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary