Uładalnik bara «Słoiki-Butelki» usio jašče nie vyjšaŭ na volu. Zatrymali i jahonuju žonku
Uładalnik bara «Słoiki-Butelki» Andrej Žuk da hetaha času nie vyjšaŭ na svabodu, choć jahony administracyjny aryšt pavinien byŭ skončycca nie paźniej za 5 vieraśnia, daviedałasia vydańnie «Zierkało». Taksama, pa infarmacyi «Zierkała», zatrymanaja jaho žonka Maryja.
3 žniŭnia na vulicy Zybickaj u Minsku prajšoŭ vuličny kancert minskaj śpiavački Meryjem Hierasimienka na terasie bara «Słoiki-Butelki». Siarod piesień, jakija vykanała śpiavačka, byli i tvory ŭkrainskaha hurta «Akijan Elzy» — jak minimum trek «Obijmi». Videa prychilniki publikavali ŭ sacsietkach.
Śpiavačku ŭ toj ža dzień zatrymali, a praź niekalki dzion joj prysudzili 15 sutak aryštu. Na nastupny dzień paśla kancerta ŭ bar «Słoiki-Butelki» pryjšli pravierki z sanstancyi i MNS, a paźniej byŭ zatrymany ŭładalnik bara Andrej Žuk. Uviečary 5 žniŭnia stała viadoma, što jamu dali 30 sutak aryštu. Z taho momantu jon tak i nie vyjšaŭ na volu.
Akramia taho, jak raskazali «Zierkału» znajomyja siamji ŭładalnika bara, ciapier zatrymanaja i žonka Andreja, Maryja Žuk. U čym mienavita jaje abvinavačvajuć i čamu na volu ŭsio jašče nie vyjšaŭ Andrej Žuk, pakul nieviadoma.
U zatrymanych muža i žonki dvoje niepaŭnaletnich dačok. Što budzie ź dziaŭčynkami, surazmoŭcy pakul nie viedajuć.
Meryjem Hierasimienka paśla zatrymańnia niekalki razoŭ prysudžali čarhovyja terminy pa administracyjnaj spravie, a 27 vieraśnia, kali stała viadoma, što jana nie vyjšła na volu paśla čarhovaha aryštu, adzin z tielehram-kanałaŭ siłavikoŭ apublikavaŭ videa ź dziaŭčynaj.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?15
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary