Ihar Alinievič miesiac tamu abviaściŭ haładoŭku. Što z palitviaźniem ciapier, svajaki nie viedajuć
19 vieraśnia anarchist i palitviazień Ihar Alinievič abviaściŭ haładoŭku, i ciapier ad jaho niama nijakich źviestak. Da Alinieviča, jaki znachodzicca ŭ žodzinskaj turmie, nie puskajuć advakata. Nie viadoma, ci praciahvaje palitviazień haładoŭku.
Pra toje, što Ihar Alinievič abviaściŭ haładoŭku, napisała ŭ Facebook jaho maci Valancina Alinievič. Palitviazień takim čynam pratestuje suprać dziejańniaŭ administracyi turmy. «Patrabavańni jaho całkam kankretnyja, harantavanyja zakonam, uklučajučy toje, što skarhi jaho nie adsyłajucca pa miescy pryznačeńnia. I jon, i ŭsie my razumiejem, što ŭ krainie ciapier nie da zakonaŭ. Napeŭna, u jaho prosta nie było inšaha vychadu», — piša maci.
24 vieraśnia, kali ŭ Ihara byŭ dzień naradžeńnia, administracyja turmy źmiaściła jaho ŭ ŠIZA. Ciapier ad palitviaźnia nie prychodziać listy, i niadaŭna da jaho ŭžo ŭ treci raz nie dapuścili advakata. Administracyja turmy tłumačyć svaje dziejańni tym, što ad Alinieviča niama zajavy na kožnuju sustreču z advakatam. Ale ž nieviadoma, ci znachodzicca mužčyna ŭ ŠIZA, i kali jon usio jašče tam, u jaho prosta niama mahčymaści napisać zajavu, bo ŭ ŠIZA nie dajuć papieru, ručku ci ałovak.
Jak raspaviała «Našaj Nivie» znajomaja palitviaźnia, ciapier administracyja turmy navat nie adkazvaje, ci znachodzicca jon u ŠIZA, i tym bolš maŭčyć pra jaho stan. Za ŭvieś čas, pakul mužčyna byŭ u kałonii i ŭ turmie, jamu ni razu nie dali pazvanić dachaty, pazbaŭlali pieradač i spatkańniaŭ. Dla siabroŭ i blizkich Ihara ŭsio vyhladaje takim čynam, nibyta administracyja žadaje maksimalna zamoŭčvać infarmacyju pra palitviaźniaŭ.
Viedajučy palitviaźnia, znajomaja Ihara raskazvaje, što dla jaho vielmi važna supraciŭlacca turemnaj sistemie, bo baraćba dla jaho — sens žyćcia, mahčyma, tamu jon i pajšoŭ na haładoŭku. Jana raspaviadaje pra jaho jak pra čałavieka, hatovaha achviaravać saboj dziela svajoj krainy, jaki moh by spakojna žyć u Jeŭropie, ale nie zastaŭsia abyjakavym da narodnaha ŭzdymu ŭ 2020 hodzie i vyrašyŭ viarnucca ŭ Biełaruś. U kancy kastryčnika spaŭniajecca dva hady z taho času, jak Alinievič i try inšyja anarchisty — Dźmitryj Duboŭski, Siarhiej Ramanaŭ i Dźmitryj Razanovič — byli zatrymanyja niedaloka ad biełaruska-ŭkrainskaj miažy.
U śniežni 2021 hoda Ihara Alinieviča i Siarhieja Ramanava asudzili na 20 hadoŭ kałonii ŭzmocnienaha režymu. Alinieviča pryznali vinavatym u ździajśnieńni «aktaŭ teraryzmu», «niezakonnym abarocie zbroi» i «niezakonnym pieramiaščeńni praź miažu zabaronienych rečyvaŭ». U žniŭni hetaha hoda Alinieviču jašče bolš uzmacnili režym i pieraviali jaho ŭ žodzinskuju turmu.
«Naša Niva» — bastyjon biełaruščyny
PADTRYMAĆ«Dušyli pakietam, zrezali skuru na piatach». Adzin z asudžanych pa «spravie anarchistaŭ-partyzanaŭ» raskazaŭ pra katavańni ŭ turmie
Maci Ihara Alinieviča pra prysud anarchistam: Uražańnie, što chłopcy macniejšyja ŭ turmie, čym my na svabodzie
Ad 18 da 20 hadoŭ. Abvieščanyja prysudy pa spravie anarchistaŭ
Ciapier čytajuć
Minsk spakušaje Vašynhton kalijnymi ŭhnajeńniami?4
Kamientary