EPAM padpisaŭ pahadnieńnie ab prodažy praktyčna ŭsich svaich aktyvaŭ u RF treciamu boku, piša «Interfaks» sa spasyłkaj na spravazdaču kampanii. Z kim mienavita zaklučanyja pahadnieńni, nie ŭdakładniajecca.
«7 vieraśnia 2022 hoda kampanija padpisała pahadnieńnie ab prodažy praktyčna ŭsich svaich astatnich aktyvaŭ u Rasii treciamu boku. Terminy i zaviaršeńnie prodažu zaležać ad zvyčajnych umoŭ zakryćcia ździełki, u tym liku ŭchvaleńnia orhanaŭ rasijskaha ŭrada», — havorycca ŭ spravazdačy kampanii.
Ahulny košt aktyvaŭ JERAM u Rasii składaŭ 42,9 młn dalaraŭ pa stanie na 30 vieraśnia, ź jakich 33,1 młn dalaraŭ składajuć srodki ŭ najaŭnych abo ich ekvivalencie. Kampanija zajaŭlała ab namiery spynić dziejnaść u Rasii jašče viasnoj hetaha hoda.
Paśla pačatku vajny va Ukrainie EPAM paviedamiŭ pra namiery pakinuć rasijski rynak. Pa słovach kiraŭnika kampanii Arkadzia Dobkina, na kančatkovy sychod patrebny čas.
Raniej EPAM apublikavaŭ spravazdaču za treci kvartał 2022 hoda. Ź jaje stała viadoma, što ŭ kampanii raście vyručka, ale skaračajucca štaty i vydatki na rełakiejt supracoŭnikaŭ.
Kamientary