«Alena, dzie naša Mivina?». U pieršyja dni vajny Zialenski jeŭ makaronu chutkaha pryhatavańnia. Ukrainskija sacsietki kpiać
Va ŭkrainskim siehmiencie sacyjalnych sietak žyva abmiarkoŭvajuć zajavu pres-sakratara prezidenta Ukrainy Siarhieja Nikifarava, jaki raspavioŭ pra askietyčnyja padrabiaznaści žyćcia kamandy Uładzimira Zialenskaha ŭ pieršyja dni rasijskaha ŭvarvańnia va Ukrainu, piša «Bi-bi-si».
Pres-sakratar raspavioŭ, što jamu, jak i astatnim, daviałosia pierajechać žyć na pracu i ŭmovy tam byli nie najlepšymi.
«Askietyčnyja ŭmovy, ale samaje nieabchodnaje było: duš — na kalidory, maleńkija pakojčyki ź nizkimi stolami. Usio takoje — ź minułaha, adnačasova čyścieńka i akuratna. Mietałapłastykavyja dźviery i pryhožyja śviatłodyjodnyja lampy nadavali sučasny vyhlad. Nas tam było niamała. Moj pakoj byŭ praz dvoje dźviarej ad prezidenta», — raspavioŭ Nikifaraŭ.
Charčavańnie, pa jaho słovach, u pieršyja dni taksama «było nie vielmi jakasnym».
«Razvodzili «Mivinu» navat nie haračaj, a ciopłaj vadoj, z-za hetaha jana jak treba nie razmakała. Ale heta litaralna pieršyja dni, potym pastupova ź ježaj situacyja palepšyłasia», — zajaviŭ Nikifraŭ.
«Mivina» — handlovaja marka makarony chutkaha pryhatavańnia, jakaja zavajavała na ŭkrainskim rynku absalutnaje lidarstva. Jana viadomaja jak tannaja, chutkaja i prostaja ŭ hatavańni — suchuju łokšynu dastatkova zalić kipieniem i pakinuć na niekalki chvilin.
«Mivinu» asacyjujuć z žyćciom u pachodnych umovach i hałodnymi i biednymi časami ŭ 90-ja.
Pradukt zapuściŭ na ŭkrainskim rynku ŭ 1995 hodzie ŭ Charkavie mihrant z Vjetnama Fam Niat Vionh. Jon zarabiŭ na joj kapitał i paśla staŭ pieršym miljarderam u siabie na radzimie i samym bahatym čałaviekam Vjetnama.
Z 2010 hoda jaho kampaniju «Technakom», jakaja zajmałasia vytvorčaściu «Miviny», vykupiła hrupa Nestlé.
«Nie žyćcio, a sucelny bol»
Zajavy Nikifarava spravakavali cełuju chvalu žartaŭ. Karystalniki ździŭlajucca, čamu ŭ ofisie prezidenta nie pakłapacilisia pra zapasy bolš pažyŭnaj ježy, i nie mohuć zrazumieć, čamu na Bankavaj nie było navat kipieniu, kab zaparyć łokšynu jak maje być.
«Dobra, što Juzika nie źjeli», — iranizuje karystalnik Śviatłana Kavalčuk, majučy na ŭvazie daŭniaha kalehu Zialenskaha pa humarystyčnych vystupach Juryja Karaŭčankava, viadomaha pa sceničnaj mianušcy «Juzik».
Nu ok, trochi roźbieriemoś z kiejsom "Zielenśkij i mivina".
Pripustimo, Nikiforov nie briešie, i dieś priblizno tak vono ti buło. Ŝo ź ćoho vitikaje?
1. Čuvaki, jaki, na chvilinku, kierujuť čimaleńkoju krajinoju, napievnie znajuči pro vtorhnieńnia, nie zrobili zapasu produktiv naviť dla siebie ⬇️
«To śniadankaŭ nie hatujuć, to «Mivina» nie razmokła, heta nie žyćcio, a sucelny bol u kijeŭskich chłopcaŭ, nie toje, što ŭ dziaŭčat USU dzieści na Danbasie», — žartuje karystalnica Darja Andrusienka-Jakaciuk, apublikavaŭšy ŭłasnaje fota z buterbrodam z čyrvonaj ikroj.
U apazicyi ŭzialisia žartavać, što haścinna b nakarmili prezidenckuju kamandu, tamu što, maŭlaŭ, u pieršyja dni vajny ŭ ich u štabie palavaja kuchnia pracavała značna lepš.
«Atrymlivajecca, što ŭ AP sotni supracoŭnikaŭ, a pakłapacicca pra prezidenta, na jakim siońnia kałasalnaja nahruzka, niama kamu, — adznačyła ŭ fejsbuku sustaršynia frakcyi «Jeŭrapiejskaja salidarnaść» Iryna Hieraščanka. — My, darečy, ščyra prapanoŭvali ŭładam ruku dapamohi ź pieršaha dnia vajny. Kali b viedali pra «Mivinu» — arhanizavali b padvoz haračych abiedaŭ u Ofis».
Asobnyja karystalniki miarkujuć, što pres-sakratar prezidenta moh być nie da kanca ščyrym u intervju i trochi pierabolšyŭ askietyčnaść vajennych budniaŭ u AP.
«Hetaja «razbaŭlenaja mivina» — užo ciapier asablivy simvał zeŭłady i novaj łokšyny na vušach ukraincaŭ i ŭsiaho śvietu», — aburajecca karystalnik Hoša Štern.
Mivina - niezłamna, poki nie rozbavlena. pic.twitter.com/jbjqU5wrqr
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym3
Kamientary