Žurnalisty biełaruskaha «Radyjo Svaboda» atrymali najvyšejšuju ŭznaharodu Amierykanskich hłabalnych miedyja
Aleh Hruździłovič, Andrej Kuźniečyk i Ihar Łosik abvieščanyja łaŭreatami ŭznaharody «Za vydatnuju žurnalistyku» imia Dejvida Berka, jakaja štohod uručajecca žurnalistam piaci miedyjnych arhanizacyj, jakija ŭvachodziać u skład Ahienctva hłabalnych miedyja ZŠA, paviedamlaje «Radyjo Svaboda».
9 śniežnia ŭ Vašynhtonie ŭznaharody ŭručyła kiraŭnica Ahienctva hłabalnych miedyja ZŠA Amanda Bienet, jakaja adznačyła asabistuju mužnaść žurnalistaŭ biełaruskaj słužby «Radyjo Svaboda» i nadzvyčajnuju canu, jakuju jany płaciać za prava vykonvać svaje prafiesijnyja abaviazki.
Dvoje z troch łaŭreataŭ, Kuźniečyk i Łosik, ciapier za kratami, sa słovam u adkaz vystupiŭ nie tak daŭno vyzvaleny Aleh Hruździłovič:
«63 hady ja pražyŭ u Biełarusi, a ciapier mušu žyć u Litvie. Paśla 9 miesiacaŭ turmy milicyjanty vyvieźli mianie na miažu ź Litvoj i zabaranili viartacca na Radzimu. U Biełarusi ja ŭniesieny ŭ śpis ekstremistaŭ, jak i maje kalehi Ihar Łosik i Andrej Kuźniečyk, jakija zastajucca za kratami. 30-hadovy Ihar Łosik atrymaŭ najbolšy z nas termin — 15 hadoŭ źniavoleńnia. Andreja Kuźniečyka pakarali 6 hadami źniavoleńnia.
Biełaruskim žurnalistam pomściać za pracu nie tolki vialikimi terminami. Bjuć i pa ichnich siemjach. Niadaŭna aryštavali žonku Ihara Łosika Darju Łosik, jakaja zastałasia ŭ Biełarusi i patrabavała vyzvaleńnia muža. Joj pahražaje 4 hady turmy. Biez taty i biez mamy zastajecca 4-hadovaja dačka Łosikaŭ Paŭlina. Dvoje małych dziaciej Andreja Kuźniečyka čakajuć jaho ŭ Minsku. Andrej z turmy dasyłaje im vieršy, ale nie ŭsie listy prapuskajuć na volu.
Rekordnuju padtrymku akazvajuć nam ludzi ŭ Biełarusi i za miažoj. Navat milicyjanty heta pryznajuć.U kałonii ja siadzieŭ u štrafnym izalatary i čuŭ praź dźviery, jak achoŭniki pamiž saboj razmaŭlali pra mianie. Adzin skazaŭ, što «heta toj, pra kaho šmat pišuć u internecie». Druhi adkazaŭ: «Małajcy, padtrymlivajuć».
Načalnik kałonii ŭ Mahilovie hetak kryčaŭ na mianie pry pieršaj sustrečy: «Dyk ty žurnalist «Svabody»? Adkažaš mnie za ŭsio». Dapamahała toje, što inšyja viaźni sprabujuć palityčnych padtrymać, staviacca da ich z pavahaj. Zaraz kožny dziasiaty viazień u biełaruskich turmach — palityčny. I ŭžo mała chto vieryć, što jany «ekstremisty» ci «terarysty».
Čytajcie taksama:
Hruździłovič apisaŭ ździeki ź jaho ŭ kałonii. I nazvaŭ imia palitviaźnia, jaki admoviŭsia pisać prašeńnie ab pamiłavańni
Ci varta maŭčać pra palitviaźniaŭ? Mierkavańni žonki palitviaźnia, advakata i byłoha śledčaha
«Dniami vychodziŭ na prahułku, i nada mnoj visieła chmarka ŭ vyhladzie sercajka» — žurnalist Andrej Kuźniečyk u liście z-za krataŭ
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary