Što nie tak z kolerami Ružanskaha zamka? Na pałacavym kompleksie zaŭvažyli šmat adcieńniaŭ zialonaha
Aŭtary telehram-kanała «Spadčyna» źviarnuli ŭvahu, što arkadu i fasad teatralnaha korpusa Ružanskaha pałaca Sapiehaŭ u pracesie restaŭracyi pafarbavali ŭ roznyja adcieńni zialonaha. Heta vielmi kidajecca ŭ vočy, asabliva kali hladzieć zdalok.
«Ciapier na kompleksie try varyjanty rasfarboŭki fasadaŭ z roznaj schiemaj i adcieńniami. Na flihielach pry bramie dekor śviatlejšy za ścieny, na korpusie ŭvieś dekor značna ciamniejšy za ścieny (biełyja elemienty, vidać, źjavilisia niadaŭna), na arkadzie — tolki na antablemiencie dekor ciamniejšy, a nižej jaho śviatlejšy.
A možna spačatku pravieści kompleksnaje navukovaje daśledavańnie ŭsich abjektaŭ ansambla, a tolki paśla raspačynać restaŭracyi?» — zadajucca pytańniem aŭtary kanała «Spadčyna».
Restaŭracyjnyja raboty i histaryčnyja raskopki ŭ staradaŭniaj rezidencyi Sapiehaŭ pačalisia ŭ 2008 hodzie. Pałac byŭ zbudavany ŭ 1784—1786 hadach u pierachodnym styli ad baroka da kłasicyzmu saksonskim architektaram Janam Samuelem Biekieram na asnovie muroŭ papiaredniaha pałaca pačatku XVII st. Biekiera zaprasiŭ polny hietman, a paśla i vialiki kancler VKŁ Alaksandr Sapieha.
Čytajcie historyju pałaca ŭ vialikim histaryčnym materyjale «Našaj Nivy».
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary