Што не так з колерамі Ружанскага замка? На палацавым комплексе заўважылі шмат адценняў зялёнага
Аўтары тэлеграм-канала «Спадчына» звярнулі ўвагу, што аркаду і фасад тэатральнага корпуса Ружанскага палаца Сапегаў у працэсе рэстаўрацыі пафарбавалі ў розныя адценні зялёнага. Гэта вельмі кідаецца ў вочы, асабліва калі глядзець здалёк.
«Цяпер на комплексе тры варыянты расфарбоўкі фасадаў з рознай схемай і адценнямі. На флігелях пры браме дэкор святлейшы за сцены, на корпусе ўвесь дэкор значна цямнейшы за сцены (белыя элементы, відаць, з'явіліся нядаўна), на аркадзе — толькі на антаблеменце дэкор цямнейшы, а ніжэй яго святлейшы.
А можна спачатку правесці комплекснае навуковае даследаванне ўсіх аб'ектаў ансамбля, а толькі пасля распачынаць рэстаўрацыі?» — задаюцца пытаннем аўтары канала «Спадчына».
Рэстаўрацыйныя работы і гістарычныя раскопкі ў старадаўняй рэзідэнцыі Сапегаў пачаліся ў 2008 годзе. Палац быў збудаваны ў 1784—1786 гадах у пераходным стылі ад барока да класіцызму саксонскім архітэктарам Янам Самуэлем Бекерам на аснове муроў папярэдняга палаца пачатку XVII ст. Бекера запрасіў польны гетман, а пасля і вялікі канцлер ВКЛ Аляксандр Сапега.
Чытайце гісторыю палаца ў вялікім гістарычным матэрыяле «Нашай Нівы».
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
-
У Магілёве адкрылі шыльду губернатару Дэмбавецкаму. Дату смерці яму напісалі на гады ранейшую за спробу ўцячы з Савецкай Расіі
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары