Ahułam amal 17 hadoŭ kałonii: u Homieli palitviaźnia asudzili druhi raz za paŭhoda
U Homielskim abłasnym sudzie 3 studzienia vynieśli druhi za paŭhoda prysud u dačynieńni da 34-hadovaha palitviaźnia Andreja Padniabiennaha, paviedamlaje «Viasna».
Jon maje rasijskaje hramadzianstva, ale z šaści hadoŭ žyvie ŭ Biełarusi i maje vid na žycharstva. Pieršy raz Andreja asudzili da 15 hadoŭ kałonii va ŭmovach uzmocnienaha režymu pa šerahu ciažkich artykułaŭ Kryminalnaha kodeksa Biełarusi, u tym liku za «akt teraryzmu» za padpał mašyny načalnika Upraŭleńnia departamienta vykanańnia pakarańniaŭ.
Ciapier Andreja sudzili pa čatyroch kryminalnych artykułach, u tym liku za «sadziejničańnie ekstremisckaj dziejnaści» i «raspalvańnie inšaj sacyjalnaj varožaści».
U vyniku da 15 hadoŭ źniavoleńnia jamu dadali jašče hod i vosiem miesiacaŭ kałonii va ŭmovach uzmocnienaha režymu.
Akramia hetaha, palitviaźnia aštrafavali na 1000 bazavych vieličyniaŭ (37 000 rubloŭ). Spravu ŭ zakrytym režymie razhladaŭ sudździa Rusłan Caruk.
Andreja zatrymali 5 listapada 2021 hoda i źmiaścili pad vartu. Amal miesiac jon byŭ u SIZA KDB u Minsku, potym jaho pieraviali ŭ SIZA-1, a z 15 śniežnia 2021 hoda i da hetaha času Padniabienny znachodzicca ŭ homielskim SIZA-3.
23 traŭnia 2022 hoda KDB unios Andreja ŭ «śpis asobaŭ, datyčnych da terarystyčnaj dziejnaści».
30 červienia palitviaźnia asudzili da 15 hadoŭ kałonii pavodle č. 1 art. 14 i č. 3 art. 218 (zamach na naŭmysnaje źniščeńnie albo paškodžańnie čužoj majomaści), č. 1 art. 361-1 (stvareńnie ekstremisckaha farmiravańnia), č. 1 i č. 2 art. 289 Kryminalnaha kodeksa (akt teraryzmu) za padpał mašyny načalnika Upraŭleńnia departamienta vykanańnia pakarańniaŭ, prakoł kołaŭ u 39 tralejbusaŭ, stvareńnie i administravańnie telehram-kanała i čata, jakija pryznali ekstremisckimi farmiravańniami, a taksama za padpał krana na budoŭli ŭ 2019 hodzie. Prysud vynies sudździa Anatol Sotnikaŭ.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary