Śviatar Lemiašonak raskazaŭ, čamu jon molicca za rasijskaje vojska
Amal kožny tydzień u duchoŭnika Śviata-Jelisaviecinskaha manastyra ŭ Minsku Andreja Lemiašonka cikaviacca jaho staŭleńniem da vajny va Ukrainie. U hety aŭtorak jamu zadali pytańnie ab UPC: čamu taja molicca za svaich sałdat, a sam śviatar — za rasijskich, piša «Chryścijanskaja vizija». Adkaz byŭ u styli «načalstva błasłaviła».
Adkaz kliryka pačaŭsia z emacyjnaha «Damalilisia!», skiravanaha na adras ukrainskich nibyta adzinaviercaŭ.
Paśla taho Lemiašonak pačaŭ dakazvać, što z-za padtrymki UPC svaich abaroncaŭ taja i cierpić straty: zabirajuć łaŭru, znachodziacca pad ryzykaj zabarony. Choć u rečaisnaści ŭsio naadvarot — cisk na UPC akazvajecca akurat praz toje, što ŭłady va Ukrainie nie bačać ź jaje boku rašučaści poŭnaha razryvu UPC z carkvoj, kiravanaj z krainy-ahresara — Maskoŭskim patryjarchatam. Prytym što viarchoŭny kiraŭnik hetaj carkvy, patryjarch Maskoŭski i ŭsiaje Rusi Kirył u svajoj padtrymcy rasijskaj ahresii absalutna adkryty i adnaznačny.
Na Kiryła pakivaŭ u svaim adkazie i Lemiašonak. Jon zajaviŭ, što toj błasłaviŭ jaho malicca za «našych abaroncaŭ — rasijskich sałdat, jakija abaraniajuć Śviatuju Ruś».
Što tyčycca ciapierašniaha niepaminańnia patryjarcha Kiryła, praktykavanaha paśla pačatku vajny ŭ UPC, jon adreahavaŭ z adsyłkami na śviatych i starcaŭ — što adtul, maŭlaŭ, dzie nie paminajuć patryjarcha, treba biehčy.
Čytajcie taksama:
Archijepiskap Huryj skazaŭ pra «biesaŭski charaktar» ukrainskaj ułady i vykazaŭsia za «ŭźjadnańnie tryadzinaj Rusi»
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju5
Kamientary