Pačynaje raspaŭsiudžvacca novy vid machlarstva, schiema jakoha pabudavanaja na apłacie kamunalnych pasłuh.
Złamyśniki stvarajuć sajt, vizualna padobny da bankaŭskaha, paśla čaho inicyjujuć jaho rekłamnaje prasoŭvańnie ŭ pošukavych sistemach i sacyjalnych sietkach.
U vyniku karystalnik, jaki vyrašyŭ apłacić pasłuhi nie praź internet-bankinh, ryzykuje patrapić na fišynhavuju staronku. Adnak uvod na joj rekvizitaŭ karty pahražaje kradziažom hrošaj z rachunku. Takija fakty fiksujucca pa ŭsioj respublicy.
Jak raskazaŭ namieśnik načalnika Hałoŭnaha ŭpraŭleńnia pa supraćdziejańni kibierzłačynnaści MUS Alaksandr Ryhnievič, raspaznać padrobleny sajt nieskładana.
«Dastatkova źviarnuć uvahu na damiennaje imia — pobač z aficyjnaj nazvaj buduć raźmieščanyja dadatkovyja simvały, — tłumačyć supracoŭnik orhanaŭ unutranych spraŭ. — Akramia taho, mnohija raździeły buduć nieaktyŭnymi abo pry kliku paviedamiać pra pamyłku».
Supracoŭniki padraździaleńniaŭ pa supraćdziejańni kibierzłačynnaści zaklikajuć hramadzian być pilnymi pry ažyćciaŭleńni płaciažoŭ, a ŭ vypadku vyjaŭleńnia padroblenaha resursu rabić skrynšot i źviartacca ŭ milicyju. Tam apieratyŭna zabłakujuć fišynhavy sajt, kab pazbavić ašukancaŭ mahčymaści ŭzbahacicca za čužy košt.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary