Łatuška zaklikaŭ Sabalenku paspryjać vyzvaleńniu palityčnych viaźniaŭ
«Jana jak tytułavanaja suśvietnaja spartsmienka moža źviarnucca da Łukašenki i skazać: «Vyzvalicie ŭsich žančyn-palitviaźniaŭ, jakija siadziać u turmach», — napisaŭ jon.
Namieśnik kiraŭnicy Abjadnanaha pierachodnaha kabinieta publična źviarnuŭsia da biełaruskaj tenisistki ŭ svaim fejsbuku.
«Časta dumaŭ, jak vyjści na kantakt z Arynaj Sabalenkaj, kab pieradać joj svajo pasłańnie, ale nie atrymałasia, tamu rablu heta publična. Čamu ja nie prymaju Arynu Sabalenku? Tenis, suśvietny sport — heta zaŭsiody łakšery, heta zaŭsiody zorki. Ich viedaje ŭvieś śviet. Aryna Sabalenka — adna z vydatnych biełaruskich spartsmienak. Paśla Natalli Źvieravaj i Maksima Mirnaha jana, biezumoŭna, dasiahnuła viaršyniaŭ u tenisie.
Ale ja nie prymaju jaje, jak i mnohija biełarusy — dastatkova, naprykład, pahladzieć na kolkaść dyzłajkaŭ pad artykułami pra jaje …. I liču važnym danieści čamu: jana admaŭlajecca pryznavać toj kašmar, jaki adbyvajecca ŭ krainie, nie asudžaje ahresiju suprać susiedniaj krainy.
Jana jak tytułavanaja suśvietnaja spartsmienka moža źviarnucca da Łukašenki i skazać: «Vyzvalicie ŭsich žančyn-palitviaźniaŭ, jakija siadziać u turmach».
Aryna, tabie ž za heta ničoha nie budzie. Ty možaš heta zrabić. Zrabi heta. I biełarusy ciabie aceniać», — napisaŭ Pavieł Łatuška, apublikavaŭšy hety dopis pa-rusku.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?17
Kamientary