«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?
Biełaruska, u babuli jakoj data naradžeńnia paznačana ŭ pašparcie jak 00.00, pacikaviłasia ŭ Treds, jak takoje mahčyma. I niečakana znajšła šmat ludziej z padobnymi kiejsami.
Pakaleńnie XX XX
Dopis pra babulu sabraŭ užo bolš za paŭmiljona prahladaŭ i 150 kamientaroŭ.
«U majoj babuli było 00.00.1937. Padčas vajny byli spaleny dakumienty», — napisała adna z kamientatarak.
«U majoj susiedki tak: viedali hod naradžeńnia, ale nie viedali dzień i miesiac. Tolki ŭ vašym vypadku nuli, a ŭ jaje — XX.XX i hod naradžeńnia», — adkazała adna z kamientatarak.
Adna z karystalnic navat vykłała fota pašparta, u jakim zamiest čatyroch nuloŭ byli čatyry iksy.
«U majoj prababuli naohuł kryžyki stajać. Niemcy spalili dom z usimi dakumientami, a sa słoŭ zapisvać datu naradžeńnia nie stali», — padzialiłasia fota i historyjaj adna z žančyn.
Pašpart z kryžykami zamiest dnia i miesiaca naradžeńnia byŭ vydadzieny ŭ 2000 hodzie.
Baćki nie viedali, kali naradziłasia dzicia
Mnohija dzielacca historyjami pra svajakoŭ, jakija nie viedali dakładnuju datu naradžeńnia.
«Maja babula viedała tolki hod naradžeńnia. A datu ŭžo dadumała, bo jaje mama nie pamiatała dakładnuju. Dy i niepiśmiennaja była, navat čytać nie ŭmieła.
Voś i vyrašyli, što 6 červienia — dzień jaje naradžeńnia. Tamu što maci jaje naradziła i pajšła na pole», — padzialiłasia historyjaj pra svaju babulu adna z kamientatarak.
«U babuli taksama było ŭ pašparcie 9.07.1924 hoda. Mama była niepiśmiennaja, pamiatała, što byŭ sienakos, a datu randomnuju zapisali».
«Majmu dziadulu prosta abrali randomnuju datu naradžeńnia, bo nichto nie viedaŭ dakładnuju. Skazali: «naradziŭsia padčas siaŭby», — tak i zapisali datu ŭ krasaviku».
«Maja babula dahetul nie viedaje, kali ŭ jaje nasamreč dzień naradžeńnia. U pašparcie 01.01 staić, ale hetaja data niedakładnaja», — dadaje inšaja.
«Mnohija nie viedali sapraŭdnych dat naradžeńnia. Pradzied usim kazaŭ, što 1 studzienia, choć u paśviedčańni ab naradžeńni staić lipień. Kali zabraŭ dziaciej paśla frontu, to ŭsim nazvaŭ prykładnyja daty naradžeńnia — usio, što ŭspomniŭ, kab zrabili dakumienty».
«Navahodnija» dzieci
Šmat kamientataraŭ adznačyli, što ŭ ich babul i dziadul, jakija nie viedali dakładnuju datu naradžeńnia stavili mienavita 01.01. I heta nie samy drenny varyjant.
Reč u tym, što ludzi, u jakich zamiest dakładnaj daty naradžeńnia stajać nuli abo iksy, z časam pačali sutykacca z prablemami. Naprykład, kali adkryvali rachunak u banku, sistema nie prapuskała takija simvały, bo ličyła ich za pamyłku.
«Dumaju, stavili 00, bo nie chacieli zamaročvacca, i kali nie było svajakoŭ, [kab] paćvierdzić sapraŭdnuju datu naradžeńnia.
Mnohija dakumienty paśla vajny byli stračanyja, majoj babuli pastavili dzień, miesiac i hod zusim inšy ŭ pašparcie. Choć jaje mama nazyvała pravilnuju datu. Nu zatoje na piensiju babula raniej pajšła», — raskazała historyju kamientatarka.
Niekatoryja chłusili naŭmysna
Niekatoryja pišuć, što ich svajaki chłusili pra ŭzrost, kab trapić abo naadvarot nie trapić na vajnu.
«U nas u dziaduli była błytanina z hodam. Jon zrabiŭ siabie starejšym, kab pajści na front. A potym sam staŭ błytacca: ci to hod dadaŭ, ci to dva», — padzialiłasia historyjaj žančyna.
«U mianie dziadula 1929 hoda, ale byli padazreńni, što jon 1926‑ha i jaho mama niešta źmianiła ŭ dakumientach praz pryzyŭ», — napisała inšaja.
Taksama siarod pryčyn, navošta ludzi admysłova rabili siabie starejšymi, niaredka nazyvajuć bolš rańni vychad na piensiju.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES25
Kamientary
Moj dzied Pilip- naradziŭsia na Pilipaŭku