Raniej akcior kazaŭ, što nie syhraje kapitana Džeka Vierabja navat za «300 miljonaŭ dalaraŭ i miljon alpak».
Džoni Dep moža viarnucca ŭ nastupny, šosty, film «Piraty Karybskaha mora», piša Guardian.
Pradziusar filma Džery Brukchajmier skazaŭ vydańniu Deadline: «My razmaŭlajem z Džoni, pracujem nad scenaryjem i, spadziajemsia, zmožam heta realizavać».
Dep upieršyniu źjaviŭsia ŭ vobrazie charyzmatyčnaha kapitana Džeka Vierabja ŭ 2003 hodzie, i heta stała jaho najbolš paznavalnaj — i prybytkovaj — rolaj.
U pieryjad z 2006 pa 2017 hod vyjšła čatyry sikvieły, i heta była pieršaja franšyza, jakaja vypuściła dva filmy, kožny ź jakich zarabiŭ bolš za miljard dalaraŭ. Ahułam sieryja sabrała bolš za 4,5 miljarda dalaraŭ. Apošniaja na siońnia častka, «Piraty Karybskaha mora: Miertviaki nie raspaviadajuć kazki», vyjšła ŭ 2017 hodzie.
U apošnija hady karjeru Depu sapsavali sudovyja raźbiralnictvy ź jaho byłoj žonkaj Embier Chiord.
U 2020 hodzie Dep prajhraŭ pazoŭ ab paklopie suprać haziety The Sun u Vialikabrytanii, jakaja nazvała jaho čałaviekam, što «źbivaje žonku» — sud pryznaŭ heta śćviardžeńnie «pa sutnaści praŭdzivym». Paśla hetaha Warner Bros paprasiła jaho pakinuć franšyzu «Fantastyčnyja istoty», choć zdymki treciaha filma ŭžo pačalisia.
U 2022 hodzie, naadvarot, Dep vyjhraŭ praces suprać byłoj žonki Embier Chiord, dakazaŭšy, što jana ačarniła jaho ŭ artykule dla Washington Post, dzie nazyvała siabie «publičnaj fihuraj, jakaja pradstaŭlaje achviar chatniaha hvałtu».
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA42
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary
Lepiej by sieryjał źniaŭ pra sud - dakładna miljard zarabiŭ by.
na tvar .
i budzie ałen delon .