Kryścina Cimanoŭskaja i Maryja Žodzik zdabyli miedali na čempijanacie Jeŭropy pa lohkaj atletycy
Biahucha Kryścina Cimanoŭskaja i skakucha ŭ vyšyniu Maryja Žodzik, jakija kaliści vystupali za Biełaruś, na hetym čempijanacie pradstaŭlali Polšču, piša «Trybuna».
Kryścina Cimanoŭskaja ŭdzielničała ŭ składzie zbornaj Polščy ŭ estafiecie 4ch100 mietraŭ. Spartsmienki skončyli jaje z vynikam 43,15 i stali trecimi. Pieršymi byli brytanki (42,05), a druhimi šviejcarki (43,12).
Dla Cimanoŭskaj heta pieršy miedal na mižnarodnych spabornictvach padobnaha ŭzroŭniu z 2019 hoda. Tady jana, vystupajučy jašče za Biełaruś, vyjhrała dva srebranyja miedali (u biehu na 100 mietraŭ i ŭ kamandnych spabornictvach) na Jeŭrapiejskich hulniach u Minsku, a taksama stała pieramožcaj u biehu na 200 mietraŭ na Univiersijadzie ŭ italjanskim Nieapali.
Maryja Žodzik zavajavała srebra dziakujučy vyšyni 1,95 mietra, jakuju jana ŭziała ź pieršaj sproby. Zołata tut uziała ŭkrainka Jarasłava Mahučych (1,97), a bronzu — čarnahorka Maryja Vukavič (1,95).
U minułym hodzie Žodzik zavajavała anałahičnuju srebnuju ŭznaharodu na čempijanacie śvietu pa lohkaj atletycy ŭ japonskim Tokia. Tam jaje vynik byŭ na 5 santymietraŭ lepšy, čym ciapierašni, i jana tolki pa kolkaści sprob sastupiła aŭstralijcy Nikole Olisłahiers, jakaja pakazała toj samy vynik.
Kryścina Cimanoŭskaja zastałasia biez žanicha
Kryścina Cimanoŭskaja nie vyjšła ŭ finał čempijanatu Jeŭropy na 100 mietraŭ
Kryścina Cimanoŭskaja raskazała pra Niedasiekava, jaki nie moža na jaje zabycca, i pracu na «Biełsat» pa-biełarusku
Spartsmienka z Baranavič Maryja Žodzik stała najlepšaj lohkaatletkaj hoda Polščy
«Usio, čaho ja chacieła dasiahnuć u žyćci, ja zrabiła ŭ Polščy». Lehkaatletka Žodzik raskazała pra Biełaruś, pieramohu i svoj hanarar
Biełaruska Maryja Žodzik pryniesła Polščy adziny miedal na čempijanacie śvietu pa lohkaj atletycy — srebra
Kamientary