Kličko ŭpieršyniu vykazaŭsia pra śmierć byłoj niaviesty Chiejden Paniećjer
Lehiendarny ŭkrainski baksior Uładzimir Kličko ŭ instahramie napisaŭ post, pryśviečany śmierci amierykanskaj aktrysy Chiejden Paniećjer — jaho byłoj niaviesty, maci jahonaj dački Kai.
Pavodle słoŭ Kličko, Chiejden była važnaj častkaj jaho žyćcia i maci ich ahulnaj dački Kai.
«Jana pabudavała nievierahodnuju karjeru dziakujučy vielizarnamu talentu, sutykajučysia pry hetym i ź ciomnymi bakami vielmi patrabavalnaj industryi. Ništo nie pierakreślić čas, jaki my praviali razam, i toje miesca, jakoje jana zajmała ŭ našym žyćci. Našaj dačce Kai ja zaŭsiody budu kazać pra jaje maci z pavahaj i zrablu ŭsio, kab jana pomniła, jakim čałaviekam taja była», — piša Kličko.
«Jana syšła z hetaha śvietu zanadta rana», — piša Kličko.
«Takija maładyja i talenavityja ludzi, jak Chiejden, nie pavinny tak rana pakidać hety śviet», — pierakanany jon.
Pavodle jaho słoŭ, siamja pieražyvaje čas hłybokaha šoku i smutku.
«Ja prašu ŭsich pavažać pačućci i pryvatnaje žyćcio našaj siamji ŭ hety vielmi ciažki čas. Na hety momant heta ŭsio, što ja chaču skazać. Dziakuj usim, chto padtrymlivaje maju siamju i vykazvaje ščyryja spačuvańni», — dadaŭ jon.
Pra śmierć amierykanskaj aktrysy Chiejden Paniećjer stała viadoma ŭčora. Joj było 36 hadoŭ.
Chiejden Paniećjer prasłaviłasia dziakujučy roli Kłer Benet u sieryjale «Hieroi», a taksama zdymkam u «Nešvile», franšyzie «Kryk» i filmie «Pamiataj Tytanaŭ».
Akramia kinakarjery, aktrysa pryciahvała ŭvahu hramadskaści svaimi stasunkami z ukrainskim baksioram Uładzimiram Kličko.
Para pačała sustrakacca ŭ 2009 hodzie, praz čatyry hady abviaściła pra zaručyny, a ŭ 2014‑m u ich naradziłasia dačka Kaja. Paśla rasstańnia baćkoŭ u 2018 hodzie dziaŭčynka zastałasia žyć z Uładzimiram Kličko.
Pra pryčyny śmierci aficyjna nie paviedamlałasia, ale, mahčyma, heta była pieradaziroŭka. Raniej aktorka publična pryznavałasia, što zmahałasia z ałkaholnaj i narkatyčnaj zaležnaściu, a taksama z depresijaj.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary
Spačuvańni siamji, mužu, dziciaci i rodnym.