Ministr zamiežnych spraŭ Biełarusi Siarhiej Alejnik paznačyŭ pryjarytety raboty viedamstva ŭ 2023 hodzie na pasiadžeńni kalehii, jakoje prachodzić u Minsku, paviedamlaje «Sputnik».
Pa słovach Alejnika, nieabchodna praciahvać supracoŭnictva ź dziaržavami «dalokaj duhi» — Kitajem, Indyjaj, AAE, Iranam, Zimbabve i inšymi krainami.
U hetaj suviazi ministr adznačyŭ, što adnoj z najvažniejšych zadač pierad dypłamatami ŭ biahučym hodzie stanie afarmleńnie poŭnafarmatnaha členstva Biełarusi ŭ Šanchajskaj arhanizacyi supracoŭnictva.
«Taksama nie varta zabyvać i pra inšyja adnosna novyja dla nas farmaty — kažu ab aktyŭnaj pracy ŭ ramkach forumu «Rasija — Afryka» i ab padklučeńni da farmatu BRIKS», — padkreśliŭ kiraŭnik viedamstva.
Havoračy ab uzajemadziejańni z zachodnimi krainami, Alejnik źviarnuŭ uvahu, što MZS praciahvaje kompleksna padtrymlivać biełaruskija pradpryjemstvy za miažoj, dzie heta mahčyma, i raźvivać handal ź niekatorymi dziaržavami.
Na hetym fonie ministr uspomniŭ ab niadaŭnim vizicie ŭ Minsk svajho vuhorskaha kalehi Pietera Sijarta. Padčas pieramoŭ baki damovilisia pravieści ŭ najbližejšy čas mižuradavuju kamisiju, a taksama paćvierdzili zacikaŭlenaść u handlova-ekanamičnym supracoŭnictvie ŭ halinach, nie zakranutych sankcyjami.
«Tam, dzie heta adpaviadaje našym intaresam, my zachoŭvajem krytyčny dyjałoh. Da palitykafarmirujučych kołaŭ dziaržaŭ Zachadu davodzicca naša pryncypovaja pazicyja ab kontrpraduktyŭnaści sankcyj i abmiežavańniaŭ, važnaści raźvićcia ŭzajemapavažlivych adnosin jak adzinaha sposabu ŭrehulavańnia miždziaržaŭnych supiarečnaściaŭ», — reziumavaŭ Alejnik.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy5
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary