«Kab nanieści maksimalnuju škodu». Dźmitryj Miadźviedzieŭ zaklikaŭ rasijan kraści zachodni kantent
Namieśnik staršyni Rady biaśpieki Rasii Dźmitryj Miadźviedzieŭ uchvalaje spampoŭvańnie niedastupnaha ŭ Rasii kantentu zachodnich pravaŭładalnikaŭ praz «pravilnyja» pirackija resursy. Pra heta jon zajaviŭ u intervju rasijskim ŚMI, frahmient jakoha apublikavaŭ u siabie ŭ telehram-kanale, piša RBK.
«Viedajecie što? Šukajcie pravilnych pirataŭ i spampoŭvajcie ŭ ich», — skazaŭ jon. Miadźviedzieŭ pryznaŭ, što raniej admoŭna staviŭsia da hetaj idei jak juryst. «Ciapier ja da hetaha staŭlusia pavodle pryncypu «što chacieli, toje i atrymali». Chaj jany, značyć, niedabirajuć hrošy», — rastłumačyŭ namieśnik staršyni Rady biaśpieki.
Niadaŭna rasijskija ŭłady abmiarkoŭvali nieabchodnaść pazbavić zachodnich pravaŭładalnikaŭ častki niemajomasnych pravoŭ, praciahnuŭ namieśnik staršyni Rady biaśpieki.
Miadźviedzieŭ dadaŭ, što sam by «raskidvaŭ» pa siecivie padobnyja materyjały, kab pryčynić pravaŭładalnikam, jakija syšli, «maksimalny ŭron, kab jany zbankrutavali».
Paśla pačatku vajny va Ukrainie najbujniejšyja halivudskija studyi (kinakampanii Walt Disney Pictures, Warner Bros., Sony Pictures i inš.) syšli z rasijskaha rynku, na ich dolu ŭ prakacie prychodziłasia amal 70% repiertuaru kinateatraŭ. Anłajn-kinateatry, pavodle acenki infarmacyjna-analityčnaha ahienctva TelecomDaily, stracili pałovu halivudskaha kantentu za hod. Pracu ŭ Rasii prypynili stryminhavyja servisy Netflix i Spotify. «Jandeks.Muzyka» i VK nie zmahli dadać u biblijateki apošnija relizy zachodnich vykanaŭcaŭ, niekatoryja zachodnija artysty vyrašyli vydalić z rasijskich stryminhavych płatformaŭ i staryja treki. Kantrakty na vypusk knih z rasijskimi vydaviectvami pierastali zaklučać niekatoryja piśmieńniki, u tym liku Styvien Kinh i Džoan Roŭlinh.
Miadźviedzieŭ hatovy dajści da miežaŭ Polščy, kab «źniščyć nieanacyzm daščentu»
Ekśpiert patłumačyŭ mety radykalnych vykazvańniaŭ Dźmitryja Miadźviedzieva
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary