Pamior adzin z zasnavalnikaŭ i člen dyrekcyi handbolnaha kłuba «Miaškoŭ Brest» Mikałaj Žaŭniarčuk. Pra heta 29 sakavika paviedamiła pres-słužba kłuba ŭ telehram-kanale.
66-hadovy člen dyrekcyi kłuba raptoŭna pamior. Što stała pryčynaj śmierci nie paviedamlajecca.
Mikałaj Žaŭniarčuk razam z synami Anatola Miaškova stajaŭ la vytokaŭ stvareńnia Bresckaha handbolnaha kłuba.
«Jon aktyŭna dapamahaŭ zapuskać vialiki handbolny prajekt. I ŭ dalejšym, na praciahu bolš čym dvaccaci hadoŭ, na jaho padtrymku i paradu zaŭsiody mahli raźličvać jak kiraŭniki, tak i hulcy «Miaškoŭ Brest». A jaho žyćciovy aptymizm, zapał i pačućcio humaru nazaŭždy zastanucca ŭ sercach tych, chto kali-niebudź pierasiakaŭsia z hetym vydatnym i śvietłym čałaviekam, — adznačyli ŭ kłubie.
Kamientary