Zialenski: Łukašenka ŭžo nie vyrašaje, jakaja zbroja znachodzicca na jaho terytoryi
Situacyja z budaŭnictvam Rasijaj u Biełarusi schovišča dla taktyčnaj jadziernaj zbroi śviedčyć pra toje, što Alaksandr Łukašenka kančatkova straciŭ subjektnaść.
Prezident Ukrainy Uładzimir Zialenski zrabiŭ hetuju zajavu 31 sakavika na Bučanskim samicie ŭ Kijevie, u jakim udzielničali prezident Małdovy Maja Sandu, premjer-ministry Słavakii, Słavienii i Charvatyi — Eduard Chiehier, Robiert Hałab i Andrej Plenkavič. Jany 31 sakavika pryjechali va Ukrainu i pabyvali ŭ Bučy ŭ hadavinu jaje deakupacyi. Videa svajho vystupu kiraŭnik ukrainskaj dziaržavy apublikavaŭ u telehramie.
«Jon užo nie vyrašaje, jakaja zbroja znachodzicca na jaho terytoryi», — adznačyŭ Zialenski.
Prezident Ukrainy čarhovy raz padkreśliŭ, što kali Ukraina ciapier nie zmoža vystajać i padzie, to prezident Rasii Uładzimir Pucin pojdzie dalej na zachad.
«Ja tak adkryta liču, tamu tak kažu. Ale pry dapamozie našych siabroŭ i partnioraŭ naša armija budzie stajać i zmahacca za toje, što nam treba, — heta pieramoha i naša niezaležnaść», — reziumavaŭ jon.
Akramia hetaha, Zialenski miarkuje, što publična ahučanyja namiery Rasii raźmiaścić u Biełarusi taktyčnuju jadziernuju zbroju kažuć pra toje, što pieramovy Uładzimira Pucina i Staršyni KNR Si Czińpina nie byli dastatkova paśpiachovymi. Ź jaho słoŭ, heta nieabchodna Pucinu, kab prademanstravać Kitaju svaju subjektnaść, jakuju Rasija ŭ realnaści pad kiraŭnictvam Pucina ŭžo całkam straciła.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary