Były hałoŭny trenier BATE i maskoŭskaha CSKA Viktar Hančarenka pryznačany hałoŭnym trenieram nacyjanalnaj zbornaj Biełarusi. Pra heta paviedamlaje insajdarski kanał «Insajdy ot Karpa».
Pavodle infarmacyi kanała, śpiecyjalist uzhadniŭ kantrakt z ABFF da śniežnia 2027 hoda ź miesiačnym zarobkam 20 tysiač jeŭra.
U trenierski štab Hančarenki ŭvojdzie Alaksandr Jermakovič — jon pakinuŭ pasadu hałoŭnaha treniera bresckaha «Dynama», kab dałučycca da pracy ŭ nacyjanalnaj zbornaj.
Viktar Hančarenka vierniecca z adpačynku 20 śniežnia i paśla hetaha padpiša damovu ź fiederacyjaj, śćviardžaje rasijski kanał.
Viktar Hančarenka — adzin z samych viadomych biełaruskich trenieraŭ. Jahonaja karjera pačynałasia ŭ barysaŭskim BATE, ź jakim jon niekalki razoŭ stanaviŭsia čempijonam krainy i vyvodziŭ kłub u hrupavy etap Lihi čempijonaŭ.
Paśla pośpiechaŭ u Biełarusi jon pracavaŭ u Rasii, uznačalvaŭ CSKA, «Krasnadar», «Kubań», «Ufu», «Urał», «Pary NN».
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča21
Kamientary
Plus dla jaho tolki u vyhladzie zarpłaty pamieram u 20.000