«Dzień, kali ŭ kramach skončycca pamada». Biełaruski vitajuć Maryju Kaleśnikavu na voli, masava farbujučy vusny ŭ čyrvony FOTY
Vyzvalenaja 13 śniežnia Maryja Kaleśnikava z časoŭ prezidenckaj kampanii-2020 mocna asacyjujecca z čyrvonaj pamadaj, jakoj jana niaźmienna farbavała vusny, navat znachodziačysia ŭ ciažkich umovach kałonii. Jana natchniała i inšych źniavolenych žančyn, a taksama biełarusak pa-za kratami.
Ciapier u honar Maryi ŭ sacsietkach zładzili ceły čyrvona-pamadny fłešmob.
Voś tolki niekalki pastoŭ salidarnaści i radaści za Maryju Kaleśnikavu ad biełarusak z Threads.
Padtrymała fłešmob, naprykład, byłaja palitźniavolenaja pa «spravie studentaŭ» Asia Bułybienka, jakaja taksama prajšła praz homielskuju kałoniju.
Adna z udzielnic fłešmobu pryznałasia, što čyrvony na vusnach joj zusim nie pasuje, ale dla takoj nahody jana nafarbavałasia.
Biełarusy žartavali, što za paru dzion u kramach Biełarusi i Jeŭropy skončycca ŭsia pamada padobnych adcieńniaŭ i raili razumnym markietołaham kaśmietyčnych brendaŭ zapuskać tematyčnuju rekłamu.
Adzin čałaviek navat prapanavaŭ zapuścić vytvorčaść śpiecyjalnaj pamady «Maryja».
Niechta radavaŭsia za Mašu, ale adnačasova pieražyvaŭ za tych, chto ŭsio jašče ŭ niavoli.
«Biełaruski siońnia nafarbavali vusny čyrvonym i iduć pić vino», — radavalisia zasmučanyja adsutnaściu dobrych navin suajčyńniki jak z-za miažy, tak i ŭnutry Biełarusi.
Niekatoryja pamady čakali svajho času ažno z 2020 hoda.
Varta adznačyć, što za farbavańnie vusnaŭ palitźniavolenych u Homielskaj žanočaj kałonii ŭ peŭny momant pačali presavać. Tak, Volha Kłaskoŭskaja raspaviadała, što supracoŭniki kałonii adrazu prymali heta za salidarnaść z Maryjaj i pratest, prapanujučy pierafarbavać vusny ŭ zialony, kamuflažny koler formy.
Histaryčna, pačynajučy ad sufražystak, čyrvonaja pamada sapraŭdy ličyłasia znakam pratestu suprać patryjarchatu, seksizmu, hvałtu i dyktatur, jana vykarystoŭvałasia žančynami dla zajavy pra svaju siłu i prava na samavyjaŭleńnie.
Nahadajem, eks-kiraŭnicu štaba Viktara Babaryki zatrymali ŭ pačatku vieraśnia 2020 hoda. Na miažy Kaleśnikava parvała svoj pašpart, kab paźbiehnuć prymusovaj departacyi, i ŭ vyniku apynułasia za kratami. Praź niepraparcyjna žorstkaje ŭtrymańnie ŭ štrafnym izalatary ŭ 2022 hodzie jana była ekstranna špitalizavanaja z prabadnoj jazvaj i pierytanitam.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon13
Kamientary
Biedniažki niesčastnyje zahvałtovali vas sieksistkije diktatury. Voobŝie to krasnaja pomada eto simvoł žienŝiny iŝuŝiej sieksa. Vsiehda tak było.