Prezident Ukrainy ličyć niespraviadlivaj prapanovu advieści ŭkrainskija vojski za miežy Danieckaj vobłaści. Jak pieradaje karespandent UNIAN, pra heta kiraŭnik dziaržavy zajaviŭ padčas anłajn-bryfinhu ŭ WhatsApp, piša «UNIAN».
«Ja liču, što na siońnia spraviadlivym mahčymym varyjantam pavinna być «staim tam, dzie staim», i heta praŭda, bo heta i jość ceasefire (spynieńnie ahniu). Baki zastajucca na svaich pazicyjach, a potym užo dypłamatyčna sprabujuć vyrašać usie ahulnyja pytańni. Ja viedaju, što Rasija stavicca da hetaha niehatyŭna, i chaciełasia b, kab amierykancy padtrymali nas u hetym pytańni. Ale na naša «staim, dzie staim» rasijanie adkazvajuć, što my pavinny vyjści z Danbasa, abo jany ŭsio adno jaho akupujuć», — skazaŭ Zialenski.
«Ja kazaŭ, što tut šmat insinuacyj roznaha charaktaru. Naprykład, jak z Kupianskam. Jany zajavili, što «akupavali» Kupiansk, što my ŭ «akružeńni» i h.d. Ja niadaŭna byŭ u Kupiansku i pakazaŭ, chto kantraluje hety horad. Taksama dezinfarmacyi z boku rasijan vielmi šmat. Tamu ja davaŭ sihnały našym kaleham sa Złučanych Štataŭ Amieryki, što nie treba vieryć u ŭsio, što kažuć rasijanie», — padkreśliŭ Zialenski.
Jak adznačyŭ jon, «Rasija choča nie tracić siły i akupavać naš uschod našaj dziaržavy dypłamatyčna-palityčnym šlacham».
Zialenski dadaŭ, što tady ZŠA prapanavali, što rasijskaja armija nibyta nie budzie zachodzić na tuju častku ŭschodu Ukrainy, jakuju kantraluje ŭkrainskaja ŭłada, ale Zbrojnyja siły Ukrainy nibyta pavinny vyjści adtul.
«Ja nie liču, što heta spraviadliva. Bo heta ekanamičnaja zona — chto budzie joju kiravać? Kali my havorym pra niejkuju bufiernuju zonu pa linii sudakranańnia, i kali my havorym pra niejkuju ekanamičnuju zonu, i ličym, što tam pavinna być tolki palicejskaja misija, a vojski pavinny adychodzić, to pytańnie vielmi prostaje: naprykład, kali ŭkrainskija vojski adychodziać na 5—10 km i h.d., to čamu rasijskija vojski nie adychodziać uhłyb akupavanych terytoryj taksama na takuju ž adlehłaść?» — adznačyŭ Zialenski.
Jak skazaŭ prezident Ukrainy, u hetym pytańni pakul niama adkazu, ale jano vielmi adčuvalnaje i vielmi haračaje.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary