Babaryka dakładna nie viedaje, jak atrymaŭ traŭmy ŭ kałonii, bo byŭ biez prytomnaści
«Ja nie viedaju, u vyniku čaho heta adbyłosia. Bo heta zdaryłasia paśla taho, jak ja straciŭ prytomnaść».
Jak viadoma, u 2023‑m hodzie Viktar Babaryka patrapiŭ u lakarniu z vadkaściu ŭ lohkich. Tady havaryli, što jaho źbili. Padčas pres-kanfierencyi vyviezienych va Ukrainu palitviaźniaŭ, Viktara Babaryku paprasili raskazać, što ž napraŭdu tady adbyłosia. I paprasili prakamientavać čutki pra cisk na jaho.
«U 2023 hodzie ŭ ramkach, ja b skazaŭ, umoŭ utrymańnia ŭ mianie pačali zdaracca straty prytomnaści, niekantralavanyja. I padčas adnoj sa strat prytomnaści ja ačuniaŭ, i ŭ mianie była ŭ vyniku, złamanaja rabryna, prabitaje lohkaje, dvuchbakovaje zapaleńnie lohkich i, pa-mojmu, 23 raśsiačeńni čerapa, — raskazaŭ Babaryka. —
Kamientavać heta, ja paćviardžaju — ja pisaŭ, i kažu ščyra: ja nie viedaju, u vyniku čaho heta zdaryłasia, bo heta zdaryłasia paśla taho, jak ja straciŭ prytomnaść. Kazać «ja ŭdaryŭsia» ci «mianie źbivali», ja nie mahu, bo napraŭdu padčas nieprytomnaha stanu ja nie viedaju, što sa mnoj adbyvałasia. Ale fakt zastajecca faktam».
Ja, jak i Maša, vielmi ŭdziačny miedykam Navapołacka, bo jany realna paśpieli mianie (ja ŭžo byŭ na kisłarodzie ŭviečary) pryvieźci i zrabić apieracyju i adpampavać vadkaść ź lohkaha. I potym mianie pieraviali ŭ respublikanskuju balnicu, dzie taksama była akazana prafiesijnaja dobraja vielmi dapamoha.
Tamu voś hety, umoŭna kažučy, momant pryčyny ja nie viedaju, ale nastupnaje, to bok dalejšaje toje, što było mnie zroblena, było zroblena prafiesijna, na vysokim dastatkova ŭzroŭni. I znoŭ ža, ja mahu skazać, što paśla hetaha vypadku ŭ mianie nie było ŭmoŭ, pry jakich by adbyvałasia strata prytomnaści».
Ciapier čytajuć
U Varšavu pryjechała sotnia biełaruskich palitviaźniaŭ13
Kamientary
Tamu adzinym tłumačeńniem źjaŭlajecca toje što jamu niejkim čynam davali admysłovyja preparaty (mahčyma ź ježaj), jakija vyklikajuć stratu prytomnaści, a paśla ŭžo ŭ nieprytomnym stanie jaho źbivali, kab jon nie moh abaranicca abo kryčać pra dapamohu. Zdajecca, heta była sproba zabojstva.