«Mnie treba čakać VNŽ kryminalnika». Słava Kamisaranka raskazaŭ, kudy pierajazdžaje, i pažartavaŭ pra składanaści lehalizacyi
Biełaruski komik Słava Kamisaranka raskazaŭ pra svaje złybiedy z atrymańniem vizy.
Kamisaranka na svaim jutub-kanale raskazaŭ, što ŭžo niekalki miesiacaŭ nie rabiŭ padkastaŭ, bo pastajanna davodziłasia pierajazdžać. Ciapier jon znachodzicca ŭ Stambule.
«Hałoŭnaja navina — mnie dajuć talent-vizu ŭ ZŠA amal na dva hady. Byŭ pryjemny, śvietły i čysty, a ciapier i talenavity. Heta nie značyć, što ja prama pierajazdžaju, choć hetaja viza pa sutnaści VNŽ, pa joj ty možaš žyć i pracavać.
Mnie bolš za ŭsio padabajecca, jak jana nazyvajecca — talent-viza. (…) Pa fakcie heta adzinaje miesca, kudy mianie naohuł puskajuć», — zaznačyŭ Kamisaranka.
Jon rastłumačyŭ, što lehalizavacca ŭ jaho nie atrymałasia ni ŭ Polščy, ni ŭ Hiermanii, ni ŭ Ispanii, turecki VNŽ skončycca praz try miesiacy, a novy jamu atrymać nie ŭdasca.
«Niamiecki konsuł mnie admoviŭ u humanitarnaj vizie, tamu što nie ličyć, što mnie niebiaśpiečna jechać u Rasiju ci Biełaruś, a ŭ Ispanii mnie nie dali lehalizavać maje srodki, tamu što, mabyć, heta brudnyja babki za brudnyja žarty. U niejki momant byŭ viarniak — heta jechać u Biełaruś i zdavacca Čyk-čyryku, i pa dakumientach ja prachodziŭ, i pa terminach mianie čakajuć, naohuł idealny varyjant».
Pa jaho słovach kryminalnaja sprava nie dapamahaje ŭ atrymańni VNŽ, bo paŭsiul patrabujecca daviedka ab adsutnaści sudzimaści.
«Ciapier źjaŭlajucca vizy fryłansiera ci ličbavaha kačeŭnika, a mnie, vidać, treba čakać VNŽ kryminalnika, heta naohuł idealny varyjant. Uvohule, viartacca ŭ Biełaruś byŭ rabočy varyjant. Tym bolš ułady Biełarusi nad hetym aktyŭna pracujuć», — z sumam pažartavaŭ jon.
Jon taksama raskazaŭ, što talent-vizu ŭ ZŠA atrymać było niaprosta: pryjšłosia sabrać mnostva rekamiendacyj i vodhukaŭ ab jaho tvorčych pośpiechach, jakija zaniali 600 staronak. «My sabrali 600 staronak, realna heta byŭ fłeš-rajal». Častku listoŭ napisaŭ jon.
Taksama treba było dakazać, što budzieš mieć pracu ŭ ZŠA. Słava pradstaviŭ hrafik kancertaŭ, pieršy — 22 krasavika. Usiaho čakajecca 18 kancertaŭ.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary