71-hadovaha piensijaniera Vasila Dziemidoviča asudzili jašče da 2,5 hoda kałonii
U sudzie Savieckaha rajona Homiela 2 maja byŭ vyniesieny čarhovy prysud 71-hadovamu piensijanieru ź Niaśviža Vasilu Dziemidoviču, piša «Viasna».
Sudździa Alaksandr Mocharaŭ pryznaŭ piensijaniera vinavatym pavodle art. 369 KK (abraza pradstaŭnika ŭłady) i art. 391 KK (abraza sudździ) i pryznačyŭ dva z pałovaj hady kałonii sa štrafam u pamiery 30 bazavych vieličyniaŭ.
Šlacham častkovaha składańnia kančatkova piensijanieru pryznačyli 7 hadoŭ pazbaŭleńnia voli i štraf u pamiery 4 930 rubloŭ.
Palitviaźnia ŭžo čatyry razy sudzili za reposty i kamientary ŭ telehram-kanale «Karniki Biełarusi».
A 5 maja ŭ Puchavickim rajonnym sudzie nad Dziemidovičam pačaŭsia ŭžo piaty sud — jaho abvinavačvajuć znoŭ pa art. 369 Kryminalnaha kodeksa.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary