70-hadovamu mužčynu pahražaje da 15 hadoŭ za kamientary. Raspaviadajem pra samaha pažyłoha «terarysta» ź Biełarusi
Pra Vasila Dziemidoviča stała viadoma vypadkova — sa śpisaŭ KDB.
Vasil Dziemidovič naradziŭsia ŭ 1952 hodzie ŭ vioscy Stalboŭščyna, što ŭ Uździenskim rajonie Minskaj vobłaści. Kaliści heta bujnaja, a ciapier — trochu zaniapałaja vioska zusim blizka ad Uzdy i za 80 kiłamietraŭ ad Minska.
Z 1971 pa 1973 hod Vasil słužyŭ u vojsku. Jon prachodziŭ navučańnie ŭ elitnych na toj čas desantnych vojskach, u inžynierna-sapiornaj čaści 11932, jakaja baziravalisia ŭ Litvie, u pasiołku Hajžuny.
Mužčyna doŭhi čas (prynamsi ŭ 90-ch) žyŭ u Rasii, u Naŭharodskaj vobłaści. Tam jon pracavaŭ juryskonsultam i maje advakackuju licenziju — dahetul jon znachodzicca ŭ śpisach «Advakackaj pałaty h. Maskvy». Užo ŭ 2013 hodzie jon pracavaŭ juryskonsultam u Minsku, ale paśla znoŭku niejki čas žyŭ u Rasii — na 2017 hod jon pracavaŭ juryskonsultam u padmaskoŭnaj Kałomnie.
Taksama Vasil žanaty, ale žonka — hramadzianka inšaj krainy i padobna, što jany nie žyvuć razam. Dziaciej u pary niama.
Mužčyna maje «administratyŭku» pa «pratesnym» artykule. Sudzili jaho na Dzień Voli 2021 hoda za toje, što vyviesiŭ na svaim domie ŭ Niaśvižy bieł-čyrvona-bieły ściah. Tady jaho pasadzili na sutki.
Na svajoj staroncy ŭ sacyjalnych sietkach Vasil piša pa-biełarusku.
Ale spravu na jaho zaviali nie za heta, a za kamientary ŭ telehramie. Kamientaroŭ ahułam niekalki dziasiatkaŭ. U niekatorych ź ich Dziemidovič pisaŭ, što ŭsio pačałosia z taho, što «ŭ 1994 hodzie hramadzianie nie abrali kandydata navuk Paźniaka, a abrali sa škłoŭskaha saŭhasa» i što čakaje siły NATA, kab tyja dapamahli pieramahčy narodu.
U kancy červienia KDB unios Vasila ŭ śpis «terarystaŭ». Nakolki viadoma, mužčynu nichto nie dapamahaje, bo blizkich śviakoŭ u Biełarusi ŭ jaho niama. Utrymlivajuć piensijaniera ŭ hrodzienskaj turmie. Praz zaličeńnie ŭ «terarysty» taksama niemahčyma rabić jamu hrašovyja pieravody.
Na pačatku žniŭnia nad mužčynam pačaŭsia sud ažno pa čatyroch artykułach. Heta «padrychtoŭka da arhanizacyi masavych biesparadkaŭ» (č. 1 art. 293), «abraza pradstaŭnika ŭłady» (art. 369), «abraza sudździ albo narodnaha zasiedaciela» (art. 391) i «publičnaja abraza prezidenta» (č. 1 art. 368). Za heta ahułam jamu pahražaje da 15 hadoŭ turmy.
Adras dla listoŭ:
Dziemidovič Vasil Ivanavič, 1952 hoda naradžeńnia. 230023, Turma №1, h. Hrodna, vuł. Kirava, d.1.
«Naša Niva» — bastyjon biełaruščyny
PADTRYMAĆČytajcie jašče:
Što viadoma pra padletka, jakoha adpravili ŭ kałoniju za toje, što źniaŭ na videa rasijskuju techniku?
Mužčynam, jakija išli na siłavika padčas antyvajennaha mitynhu, prysudzili kałoniju. Paśla zatrymańnia ich katavali
«Novaja Biełaruś — nie niešta abstraktnaje, nie kazačnaja źjava, jana pačynajecca ciapier». Jak žyvie student Harvarda Maksim Bahdanovič
Vylecieła ŭ nieviadomym kirunku śpikierka KR Anžalika Mielnikava30
Kamientary