U krainach Paŭdniova-Uschodniaj Azii zafiksavanaja rekordnaja śpioka. U Vjetnamie bolš za 44°C
U Vjetnamie zafiksavanaja samaja vysokaja tempieratura ŭ historyi krainy — krychu bolš za 44 hradusy Celsija — i ekśpierty pradkazvajuć, što z-za źmieny klimatu hety rekord pratrymajecca niadoŭha.
Rekord byŭ ustalavany ŭ paŭnočnaj pravincyi Tchańchoa, dzie ŭłady zaklikali ludziej zastavacca doma ŭ samy haračy čas dnia. U inšych krainach rehijona taksama nazirajecca nadzvyčaj haračaje nadvorje, paviedamlaje Bi-bi-si.
Ułady Tajłanda paviedamili ab rekordnaj tempieratury 44,6 hradusa ŭ zachodniaj pravincyi Mak.
Birmanskija ŚMI paviedamili, što ŭ adnym z haradoŭ na ŭschodzie krainy była zafiksavanaja tempieratura 43,8 hradusa, samaja vysokaja za apošniaje dziesiacihodździe.
Pierad siezonami musonaŭ u abiedźviuch krainach śpioka — zvyčajnaja sprava, ale hetym razam tempieratura praciahvaje bić rekordy.
U Chanoi ekśpiert pa źmianieńni klimatu Nhujen Nhok Chuej zajaviŭ AFP, što ŭ kantekście źmieny klimatu i hłabalnaha paciapleńnia novy rekord Vjetnama vyklikaje niepakoj.
Jon čakaje, što padobnyja rekordy buduć naziracca tut jašče šmat razoŭ. «Heta dakazvaje praŭdzivaść vynikaŭ klimatyčnych madelaŭ», — ličyć navukoviec.
U horadzie Dananh u Vjetnamie fiermier Nhujen Tchi Łan raspavioŭ, što śpioka prymušaje rabočych pačynać pracu raniej, čym zvyčajna, i zakančvać jaje ŭžo da 10 ranicy.
Papiaredni rekord u Vjetnamie — 43,4 hradusa — byŭ ustalavany ŭ centralnaj pravincyi Cha Ciń čatyry hady tamu.
Śpioka ŭstalavałasia nie tolki ŭ krainach Paŭdniova-Uschodniaj Azii. U stalicy Banhładeš, horadzie Daka była zafiksavanaja samaja vysokaja tempieratura z 1960-ch hadoŭ, a ŭłady Indyi paviedamili, što ŭ niekatorych rajonach krainy tempieratura pieravysiła normu na try-čatyry hradusy.
U Ispanii ŭ aeraporcie Kardovy na poŭdni krainy była zafiksavanaja samaja vysokaja tempieratura dla krasavika — 38,8°S.
U sakaviku navukoŭcy-klimatołahi zajavili, što dasiahnuć zajaŭlenych raniej klučavych metaŭ pa źnižeńni hłabalnaj tempieratury, chutčej za ŭsio, nie atrymajecca.
Z pačatku industryjalnaj epochi śviet užo paciapleŭ prykładna na 1,1 hradusa, i tempieratura budzie praciahvać raści, kali ŭrady nie pojduć na rezkaje skaračeńnie vykidaŭ.
Urady raniej damovilisia pryniać miery, kab paźbiehnuć pavyšeńnia hłabalnaj tempieratury bolš čym na paŭtara hradusa. Ale płanieta ŭžo paciapleła na 1,1 hradusa, i ciapier ekśpierty kažuć, što ŭ 2030-ch hadach rost siaredniaj tempieratury Ziamli moža pieravysić 1,5 hradusa.
U svaim dakładzie mižuradavaja hrupa ekśpiertaŭ AAN pa źmianieńni klimatu zajaviła, što kožny pryrost siaredniehadavoj tempieratury budzie ŭzmacniać niehatyŭnyja nastupstvy hłabalnaha paciapleńnia.
Anžaliku Mielnikavu bačyli ŭ Minsku ŭ «Dana Mole»53
Kamientary