Jeŭraparłamient siońnia pryniaŭ rezalucyju ab zachavańni pravoŭ čałavieka ŭ Biełarusi. U joj utrymlivajecca patrabavańnie vyzvalić Viktara Babaryku, piša Reform.by.
«Parłamient zaklikaje ŭłady Biełarusi spynić žorstkaje abychodžańnie z byłym pretendentam u prezidenty Viktaram Babarykam i inšymi palityčnymi źniavolenymi i nieadkładna i biezumoŭna vyzvalić ich. Deputaty Jeŭraparłamienta rašuča asudžajuć «biesčałaviečnaje abychodžańnie z palitviaźniami i členami ich siemjaŭ» u krainie i zaklikajuć Biełaruś zabiaśpiečyć zatrymanym dostup da naležnaj miedycynskaj dapamohi, advakatam, siamji, dypłamatam i mižnarodnym arhanizacyjam dla acenki ich stanu i akazańnia dapamohi», — havorycca ŭ pres-relizie Jeŭraparłamienta.
Za rezalucyju prahałasavali 533 jeŭradeputaty, suprać vystupili 9, a 27 ustrymalisia.
Nahadajem, pry kancy krasavika Viktar Babaryka byŭ dastaŭleny ŭ balnicu. Praź niekalki dzion jaho vyvieźli z balnicy. Dzie jon znachodzicca i jaki jaho stan, dahetul nieviadoma.
U dakumiencie deputaty Jeŭraparłamienta taksama paćviardžajuć svaju salidarnaść z narodam Biełarusi ŭ jaho baraćbie za svabodny, suvierenny i demakratyčny ŭrad i suprać udziełu Biełarusi ŭ ahresiŭnaj vajnie Rasii suprać Ukrainy. Jany taksama paŭtaryli zaklik da ES i krain Sajuza, zrobleny ŭ sakavickaj rezalucyi. Jon tyčycca pašyreńnia sankcyj suprać fizičnych i jurydyčnych asob, adkaznych za represii ŭ Biełarusi, a taksama pryciahnieńnia da adkaznaści Alaksandra Łukašenki i datyčnych da parušeńnia pravoŭ čałavieka.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary