Dziaržsakrataryjat Vatykana paviedamiŭ u liście pradstaŭnikam hramady Čyrvonaha kaścioła, što Papa Francišak byŭ prainfarmavany asabista pra padziei, jakija adbylisia ŭ Minsku adnosna apošnich padziej vakoł kaścioła, paviedamlaje «Chryścijanskaja vizija».
Papa padziakavaŭ za toje, što hramada paviedamiła jamu pra ŭsie akaličnaści spravy, i zapeŭniŭ, što dla jaho važna, kab vieru ŭ Chrysta možna było svabodna vyznavać na ŭsiakim miescy.
«Papa Francišak trymaje vas i vašuju parafiju ŭ Minsku ŭ svaich malitvach i zapeŭnivaje vas u svajoj asablivaj duchoŭnaj blizkaści. Jon prosić vas malicca za jahonaje apostalskaje słužeńnie i sam ad usiaho serca molicca pra ščodryja Božyja dabrasłavieńni na ŭsich vas i vašych blizkich», — havaryłasia ŭ liście.
Nahadajem, što Čyrvony kaścioł zakryty dla viernikaŭ z 26 vieraśnia 2022 hoda paśla padazronaha incydentu ź nibyta pažaram u sakrystyi. U toj ža dzień administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary