U Krymie — vybuch na rejkach. Spynieny čyhunačny ruch pamiž Simfieropalem i Sievastopalem
Pavodle źviestak vydańnia Baza, na čyhuncy ŭ Simfieropalskim rajonie Kryma adbyŭsia vybuch. Sa šlachoŭ syšli piać vahonaŭ sa zbožžam.
Ruch elektraciahnikoŭ na ŭčastku Simfieropal — Sievastopal časova spynien, paviedamiŭ u telehram kanale daradca kiraŭnika akupavanaha rehijona Aleh Kručkoŭ.
Kiraŭnik akupavanaha Kryma Siarhiej Aksionaŭ paćvierdziŭ zdareńnie i zajaviŭ, što nichto nie paciarpieŭ.
Na Krymska-Simfieropalskim napramku čyhunki časova admienieny ruch ciahnikoŭ. Pa maršrucie puściać aŭtobusy.
Schod hruzavoha ciahnika adbyŭsia praz «umiašańnie starońnich asob u pracu čyhunačnaha transpartu», paviedamiła Krymskaja čyhunka.
Na terytoryi Rasii, a taksama ŭ anieksavanym joj Krymie, rezka vyrasła kolkaść dyviersij. Z 1 studzienia da 12 maja adbyłosia jak minimum 57 sprobaŭ dyviersij na čyhunačnych šlachach, abjektach Minabarony i enierhietyčnych abjektach. Amal 25% ź ich adbylisia tolki za 13 majskich dzion, padličyła vydańnie «Viorstka».
1 i 2 maja ŭ Branskaj vobłaści adbylisia dva padryvy čyhunačnych šlachoŭ, z rejek syšli dva hruzavyja sastavy, adzin ź ich — biełaruski.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior20
Kamientary